Popular Bible Verses from ROMA 14

Share

Pe"mung:ga"re Mao"So: mung"dan: wa zo" ru shaug' ru we' masin: lo: Gyang" Lho" Byo khyo" yang byid' ra" din:man" ru- yaug yo: ru- ngaui bau" ru we' sin" ru ngad: ra". Khristu re cekhyo" caung da" byid' ra" yaug wa Mao"So re o ngaui nhao mung: su: yang re: caung:khin" ru qhug' ra".

Ngonhaung" daui: na: re wa- Asang: qhid' mae" ngonhaung" daui: na: ru ngad: ra". Alao"- ngonhaung" shid: re wa- Asang: qhid' mae" ngonhaung" shid: ru ngad: ra". Airumung: ngonhaung" wa daui: na ngadqere:- shid ngadqere: ai: Asang we' sin" ra" mo, ngad: ra".

Airumung: ngonhaung" wa ai: ngaui pyo: yaug yo: ru boe" nhao nae" rure we' yao: cao: qam: bo nhao nae" ra" khyo jham re khonhae" re: au: qang mung: qam: ke' na ca" ra".

Airumung:- yao: cao: dao: jho" kho' rure ngonhaung" to" pye' gelang:. Naonhaung" mao:nhaung: pho" re tha" lang: nhao nae" mangad: lao"- qobo shad' nghung: nhao nae" ra" lo, mau" jham re khonhae" re: makad' nae" rure kam" wa naonhaung" myid: phyid' ge,.

Pe"mung:ga"re Jham: Mugsug' mae- Asang wa- ngo dang za: daui: na: ra" Mao"So ngad: ru we' dakhyo:- Yaug khao: ngo" wa nga" qhid' kheim: mae pad' thaug' thaug' mung:- Yaug khao: ngo" wa ngo Mao"So ngad:- ga" rure- lhang: yu: li" genae"- ga: ta" to" ra". Airumung:- ngonhaung" mae" yaug khao: ngo" wa Mao"So re yao: yao" mau" zo" japhin: ta" sho' kyo: qo: li" nae".

Lam khug: ra" myid mae qam: nang" ra" yaug re pang" yu ge,- ngadqere: yao" myid: ra" khyo jham we' sin: yang: yao: we' dajho" ngag ge,

Nao wa khag' ngad mung: su gaje qera" daui daui yaug re dao: phyid' ra" i? Yao: myo, nho qo" nae" maqo" nae" ga" ru wa yao" Asang yao: dao: kho' li" nae". Yao: myo, nho qo" li" nae"- pe"mung:ga"re Asang wa yao: re myo, nho qo" nhao: ra".