Popular Bible Verses from ROMA 11

Share

Pe"mung:ga"re cao jab alhab' wa yao" yang phan" to: mung:- cao jab alhab' wa yao: khyo" yang we' yao" qhid' mae" boe" jo; ru ngad: ra". Mao"So wa apyad ato mae phungbao qi" qhang: jo, vashao: wo"- Amen.

Mao"So wa khoqhi" sho' jo,nho" qo" yaug ngad: i? Yao" pha,jhi" we' laba lajhao wa khoqhi" sho' no; i? Mao"So: myid: phyid' to"rure khag' qo" sho' kyo" i? Yao" khyo re khag' qo" ba: i?

Jham: Mugsug' mae- Asang: myid re khag' ba: i? Yao: re khag' pha,jhi" qo" byid' i?

Ana" re:- ai we' dakhyo: ngad: ra"- yao" nhag' myan" ra" jeju khyo" yang yao: khyin: yu: ra" byu dajhid' zo: dang: jo; ashi"- Mao"So yao: bam re khyin: yu: ru wa- yao: bam: lo, mau" re aqao: to: mung: khyin: yu: ru mangad:- yao" nhag' myan" ra" jeju re aqao: to: mung: khyin: yu: ru ngad: ra". Pe"mung:ga"re Mao"So: khyin: yu: ru wa- byu: lo, mau" re aqao: to: mung: yang: ngad: re wa- yao" nhag' myan" ra" jeju wa agyang" mangad: ngad: ra".

Zhanlun gae agai mae" akaung jham damyo" re cu: pye' mung: zhanlun gae alae" mae" akaung re aimae xo' to" ra". Taung bug byu qe naonhaung" wa ai: zhanlun gae alae" we' dau: ako"- amung: ana" Yuda byu qenho: Byo we' sin" ra" qam: bo: ra" kao so' daui khyo re qo" bomyao: kham: yu: ako". Airumung: cu: khyo" pye' ra" akaung jham we' dau ko" ra" Yuda byu qere daqu" ngai ge,- naonhaung" khoru: qo" gai: phug genae" i? Naonhaung" wa akaung qeza: angad: ako"- naonhaung" wa agyi: re bao" thaug' byid: mo, mangad:- Agyi: jham wa naonhaung" re bao" thaug' byid' ako".