Popular Bible Verses from XEIM: NGAUI" 19

Share

Khag' rere: lage, daphaug'- mangad: lao"- yao: re danghang" jo,- ngadqere: nao kam" wa naoyao" gaung re nao jhid'de; ru we' dakhyo:- ni" nho: yham kyo: cao: re jhid'de; wa- ngo wa ASANG ngad: ra".

Shid: ra" yaug qhid' mae" kaug' qhui yang naonhaung" yao" gaung re mhaug' dathug' ge,- mangad: lao" naonhaung" yao" gaung re dae dalhai: tung" ge,- ngo wa ASANG ngad: ra".

Israel byu qere ceru ta" kyo: byid: nae" ta" ra". Aiwa Gyang" Lho" ge,- pe"mung:ga"re naonhaung" Mao"So ASANG ngo wa gyang" lho" yaug ngad: ra".

Khag' rere: manug masho: dakad' ngadqere: yao" mathao mae nao qobo mashad' nae" qhid' mae" yao: we' jho" shai" ra" khyo jham re nyang nae" kad' wa,

Shid: ra" mo; nho: byo jham we' jho" jhau: ko" ra" mo, jhao" pha,jhi" daye: mho' ge,. Naonhaung" airu: kad' ko" re wa naonhaung" wa caung:pa" thung" khyo" masan masin" ngad: li" genae". Ngo wa naonhaung" Mao"So ASANG ngad: ra".

Dayaug yaug: khyo re lau damhug' hau:- byu dayaug yaug yao" kao so' qhid' mae" gyaug ca" ra" tarha" myid' ca: qu" ru qhug' na: au:- ni" nho: sagse: kham: ra" dao: wa yao: re qo" bao" thaug' byid: nae" ru ngad: re wa ta" thug' wa,- ngo wa ASANG ngad: ra".