Popular Bible Verses from YOSHU 1

Share

Nao myid: phyid' mung: vae" myid bo nae" qhid' mae" ngo nao re amyin" byid' to: va" rure myid: beim: wa,. Dagyaug wa nhag' dangai wa,. Pe"mung:ga"re ni" Mao"So ASANG ngo wa nao khai: ye: khai: nao we' daga" ngad: ra"- ga: ta" ra".

Nao caung:pa" rumae ai tarha" mugsug' re khonhae" re: nghe' wa,- airu re myi" re: na" re: nghe' zhao wa,- aimae tung" to" ru ja: khao: ngo" re gaigai yao: nao phug' cao" wa,. Ailao" nao wa na: dai mung: aung myaug nae".

Za: myid: phyid' wa,- vae" myid bo wa,- nga" daui daui yaug Moshe nao re byid' ra" tarha" alhab' re nao phug' cao" wa,. Aimae" dadau rere: dalhai" pye'- nao khai: joe" joe" aung myaug nae".

Yoshu we"- nao kao so' adaui: na na wa khag' yang re: nao re maqo" aung: pye' genae". Ngo wa Moshe we' daga" na: lo: ru we' dakhyo: nao we' re: ngo daga" na nae". Ngo wa khonhae" re: nao we' daga" na nae". Khonhae" re: ngo nao re mashapye' nae".

Myid: phyid' mung: vae" myid bo wa,- pe"mung:ga"re yao: bam: phug' pho" qere ngo dao:so: byid' to" ra" ai: mung"dan: re yao: bam yesang: yu: au:- nao wa ai: byumyu" qenho: au: jhaung ngad: li" nae".

Ngo Moshe re ta" ru we' dakhyo:- naonhaung" su" lai: ye: genae" ngad: ra" mung"dan: alhab' re ngo wa nao we' nga" byumyu" alhab' re byid: nae".

ASANG wa- Nga" daui daui yaug Moshe wa shid: byaug va". Ana" nao we' Israel byu qe alhab' seim" jin" mung: ngo yao: bam re byid' na: ra" mung"dan: khyo Yodan gyaung: gau" de, yang: vao ye: ge,.

ASANG: daui daui yaug Moshe shid: byaug thao re Moshe nho: bao" thaug' yaug ngad: ra" Nun nho: yauggai zo: Yoshu re ASANG dao: jhau: ra".

Naonhaung" mug: kyo: jham wa mug: thao shad' din"pyad' yo mae" mug: am: shad' Lebanon bam jham joe" sho'- ba thug' shad' Uphrad gyaung: mo" mae"- Hiti mug: lai: phyid' lo" yang: ba vao shad' Mug:gaung: panglai: joe" sho' ngad: li" nae".

Ni" kheim: so' re dao: myid: myid: yaug ni" amyin" dao: daja: ja: re maphug' cao" yaug khag' ngadqere: se' pye' ru qhug' li" nae" myid: phyid' mung: vae" myid bo wa,- ga: tau" ako".

Ailao" Yoshu wa au: jhaung qere jamu gam: sho' khyo ye: mung: amyu" byu qere- zo:ve seim" jin" ge,. Pe"mung:ga"re sam ba re naonhaung" wa naonhaung" Mao"So ASANG: yang byid' ra" mung"dan: re yesang: yu nae" qhid' mae" Yodan gyaung: re gau" de; ye: genae" ngad: ako"- ga: yeta" genae" qhid' mae" amyin" byid' ra".