Popular Bible Verses from TARHA" AGYI 6

Share

ASANG mug: lagyo: wa amae yao: re yena: qhu" mung:- yao: re qam: bo: ra" sulhe: pho" we"- ASANG wa nao we' daga" na: ra"- ga: ta" ra".

Ailao"- ASANG wa yao: re ni" qam: zang we' ye: mung: Midian byu qe: lo, mae" Israel byu qere ye khyad' yu wa- ngo yang yao: nao re nhao: ke' ra"- ga: ta" ra".

ASANG wa- nao ai mau" re qo" kad' ra". Pe"mung:ga"re ngo wa nao re bao" thaug' byid: nae" mung: ngad: ra" nao wa yao: bam re byu dayaug reru: laui laui za: Midia byu qere khyoe' qo" kad' pye' li" nae"- ga: ta" ra".

Gidon wa yao: re- nhag' bo we"- ngo myid: nae"- ASANG ngonhaung" we' daga" ngad: re- cegu: alhab' ngonhaung" mae pe"mung: boe" i? Yao: bam re ASANG Egutu mung" mae" khoru: jhui" thug' lo: ra" khyo- ASANG ngonhaung" re lhaung" kad' ra" khyo re ngonhaung" phug' pho" qe ngonhaung" re ta" kyo: ko" ra" mug' pho: mau" jham alhab' wa pe" boe" va" laug i? ASANG wa ngonhaung" re shapye' pye' mung:- Midian byu qe: lo, mae ngonhaung" re to: co' ava"- ga: ta" ra".

Gidon wa- ngadqere: ASANG we"- ngo wa Israel byu qere khoru: kad' yang: qo" khyad' yu nae" i? Nga" amyu" kaung wa Manashe amyu" kaung mae" qam: je: nang" thao" kaung ngad: ra". Ngo wa nga" yham khaung byu qemae" pe" maboe" thao" yaug ngad: ra" ga: tau" ra".

Ailao"- ASANG: mug: lagyo: wa Ophra vogaung: khyo joe" li" mung:- Abieze amyu" kaung mae" Yoasha sang: ra" zai gae qao: mae zaung: jo; ra". Yao: zo: Gidon wa Midian byu qe mamyao geshao: ga: sabyi nao: jao: mae sae sae za: jung: gaug nao" na: ra".

Gidon wa aimae ASANG qhid' mae" phan dalam: kad' mung: aire- ASANG wa ngaui pyo: yaug yo yaug ngad: ra" ga: mhang" ra". (Aiwa Abieze amyu" kaung sang: ra" Ophra mae ana" joe" sho' jo; jo; shi")

Gidon wa tau: mung:- nao ngore o ngaui: ru ngad: re wa- nao dang za: ASANG ngad: rure sagse daqhae: qhu" byid: la,

Ngadqere: ASANG wa yao: re ngaui pyo: yaug yo vashao:- dagyaug wa,- nao mashid nae"- ga: ta" ra".

Israel amyu" byu qe wa ASANG re qobo dam: shad' lhoe" ako". Airumung: yao: wa yao: bam re Midian byu qere nhad' zin eib zo: nhao: ra".