Popular Bible Verses from TARHA" AGYI 16

Share

Airumung: yao: wa- Samson we"- Philisti byu qe li" na: ako" wo"- ga: hug' ra". Yao: so" li" mung:- ngo wa ganhae" we' dakhyo: khao" khyad' pye' yang: loe; phao nae"- ga: myid ra". ASANG yao: re shapye' co' ra" rure yao: maba ngad: ra".

Ailao" Samson wa- Myao: thao" ra" ASANG we" jeju khyo" ngore myid: beim: la,- Mao"So we" jeju khyo" nga" qam: re ce dalhang za: dam: byid: la,- airulao" ce dalhang: yang nga" myo,jid' kyaung" thad' pye' byid: ko" ra" qhid' mae" Philisti byu qere qo" yu: pye' nae" ngad: ra" ga: akyu" mho' ra".

Samson wa lo" thao" mae ai: dangman" rure yao: re ta" kyo" pye' ra". Yao: wa nga" xae khonhae" re: maphyid' qu"- ngo khau: ra" ayo, mae"- Naziri dayaug khyo" Mao"So re qhaug' byid' to: va" yaug ngad:- nga" xae jham re phyid' pye' ngad: re- nga" qam: nang" lo" byaug mung: gatau qe we' dakhyo: qam: nang" lo" li" nae"- ga: ta" ra".

Yao: wa airu: ba khao: ba ngo" myid' na: ra". Airumung: yao: wa ai: khyo we' sin: yang: yao" yang phabau: phaxe' kad' na: ruyang gyai gyo" nghang" li" mung:

Yao: wa ai: yham mo" re yao" qam: bo: thao" mae" deim" khyug' khyang: ke' ra". Yham mo" wa ai: kho:kham ngo" yaug: dao mae we' yaug khao: ngo" dao mae gyo" nhai" lo" ra". Samson wa byu qere yao: daui: na: ra" ayo, gyo: mae tho' yao: shid: ra" au: je: qo" se' pye' ra".