Ephrim byu qe maphao: loe, genae" qhid' mae" Gilead byu qe wa Yodan gyaung: gau: khung: jham re sang: ci: ako".
Ephrim byu dayaug yaug phao: loe, nae" seim" yang: qid gau" de, nae" akhang" mho' mung:- Gilead byu qe wa aiyaug re- nao Ephrim byu ngad: i? ga: myid: gelao"- yao: wa mangad: ga: ta" yang: ngad: re-
Yao: bam wa yao: re- Shiboled ga: yao: re ta" nhao: ako". Ngadqere: yao: wa Siboled ga: ta" ra". Pe"mung:ga"re yao: wa aire jo sho' magai: ta" thug' ngad: ra".
Ailao" yao: bam wa yao: re taung" yu mung: ai tau Yodan gau: khung: mae" dalam: mae yao: re se' pye' ako". Ai: ayo, mae Ephrim byu byid tug: shid' taung re se' pye' ako".