Popular Bible Verses from APAN AQAO: 39

ASANG wa Yoseb we' daga" ngad mung: yao: re aung myaug nhao: ra". Yoseb wa Egutu byu yao" asang: yham mae na: ra".

Potipha wa yao: qo" ra" gu: Yoseb lo, mae ab byid' to: mung:- yao: zo" ra" zo:ve mae" je yang: pe" rere: gaung mayug lo: na: ra". Yoseb wa byu dau ga" mung: myo,nho yaung" yaug ngad: ra".

Ai: thaung: agyi pho" wa Yoseb re- gatau kyam: byu qe alhab' mo; nho: au: jhaung kad' nhao mung:- thaung: khug mae" mau" zo" ja: khao: ngo" re qo yu nhao: ra".

Yoseb re taung: mung: kho:kham nho: kyam: byu qere lhaung" to" ra" thaung: khug mae ke' to: mung:- Yoseb wa ai: khug mae na: jo; ra". Ngadqere: ASANG wa Yoseb we' daga" ngad mung:- yao: re shaman" byid' ra". Airumung: thaung: agyi pho" wa Yoseb re ngaui: ra".

Ai: thao mataung" myao" re yao" asang: yham sang myhi" wa Yoseb re qu" shab' mung: yao: we' yab nae" qhid' mae" lhaung: ra". Yoseb wa aire ha: pye' mung:- yao: re- qu" wa, nga" asang wa ngo cemae na: jo; ruyang yham khug mae" pe" ja: rere: gaung mayug ca" ngad: ra". Yao: wa ngore yao: qo" ra" gu:- alhab' re au: jhaung kad' nhao: to" ra". Ngo wa ce: yham mae yao: qhi" yao: kheim: so'qo" yaug ngad:- yao: wa nao mae" je yang: ngore pe" rere: matam" to: byid: ngad: ra". Airu: ngad: re ngo wa airu" ra" mangad mangung" lo, mau" re kad' mung: Mao"So re qobo shad' lhoe" nae" i? ga: ta" ra".

Ngadqere: daba mae yao" mau" zaui: nae" qhid' mae" yham khug khyo vao lo" ra" au:- yham mae" daui daui mo, dayaug re: ai: mae mana ngad: ako". Yao: wa Yoseb nho: bau: qhang re zaui: yang: ngo we' yab lang: ga: lhaung: ra". Ngadqere: Yoseb wa phao: loe, mung: yao" lo, mae bau: qhang khao" khyad' to: co' yang: taung gaung khyo tao" thug' lo" ra".