Popular Bible Verses from APAN AQAO: 35

Share

Aimung: Mao"So wa Yaku re- ngo wa qam: bo: thao" ra" Mao"So ngad:- zo: dau myo: sho' qo" ge,- byumyu" qe wa nao mae" ko' thug' li" genae"- nao wa kho:kham qenho: phug' pho" ngad: li" nae". Ngo wa Abraham re we' Isag re byid' to" ra" mung"dan: nao re byid: nae". Aire ni" myid:zo: qere re: ngo byid: nae"- ga: ta" ra".

Ngonhaung" wa ce: jo, qo mae" to" mung:- Bethela khyo ye: zai ngad:- aitau mae ngo qug: khai: qhug' ra" ayo, mae ngore bao" thaug' byid: mung:- ngo khai: joe" khai: ngo we' daga" ngad: ra" Mao"So: qhid' mae" phan dalam: re ngo yekad' nae"- ga: ta" ra".

Mao"So wa yao: re- ni" mang wa Yaku ngad: ra"- ngadqere: ana" mae" thoegu: Israel ngad: li" nae"- ga: ta" mung: Mao"So wa yao: re Israel ga: mhang" ra".

Airumung: Yaku wa yao" yham byu qe we' yao: we' daga" ngad: ra" mo, alhab' re naonhaung" qo" ko" ra" taung bug so jham re yu: pye' ge,- naonhaung" yao" gaung re kyang" san: pye' mung:- mai bau: asan gaug: ve, ge,

Mao"So wa Yaku re- Dalhang: dae Bethela khyo ye: mung: aimae yena wa,- ni" mao: Eso lo, mae" nao phao: qin" ra" au: nao re na: qhu" ra" Mao"So ngad: ra" nga" qhid' mae" aitau mae phan dalam: kad' wa,- ga: ta" ra".

Ngadqere: Rakhela wa shid: lo" na mung: so' she: thao" lo" na: au: yao: wa yao" yauggai zo: re Benoni ga: mhang" ra". Ngadqere: yao: pho" wa yao: re Benyamin ga: mhang" byid' ra".