Modekhai wa ce: boe" lo: ra" khyo jham re tung" xam" to: nhao mung: Persia mung" gam: sho' mae" mug: va: mug: lin mae na: ra" Yuda byumyu" qere mugsug' vhin: ke' nhao: ra". Yao: bam re zin khao: ngo" Ada lho" xin daxe: byid ba: ba we' daxe: ngo" ba: ba gu: mae Dugno: Ba khyo" phug' cao" nhao: ra". Ce: ba shid' ba: gu: wa Yuda byumyu" qe- yao: bam: gyevo qe: lo, mae" khyad' loe; yu: ra" ba na ngad: ra"- ce: lho" khye' wa kaug' qhui: ru we' nhag' lam: thao" rumae" ngaui bau: ngaui lho" we' pyo: pyo: mung: ra" ba khyo phaug' lo ra" lho" khye' ngad: ra". Yao: bam wa ce: ba na: gu: mae zo: shaug' poe kad' mung:- yao: cao: yao: we' myaung mo, re zo: shaug' jhaung qhu" gae byid: ca"- ga: mho" shid' to" ra".
