Popular Bible Verses from MHO" PEIM: 4

Share

Naonhaung" wa aimae ASANG re qho: li" genae". Naonhaung" aung khug nhag' lam: alhab' we' yao: re qho geyang: ngad: re wa yao: re qhug' li" genae".

Yao: wa nhag' khyag' shogu: myid: bo: ra" Mao"So ngad: ra". Yao: wa naonhaung" re mashapye' nae"- se' re: mase' tam" pye' nae". Yao: wa naonhaung" phug' pho" qe we' yao: yao: to" to" ra" dao: thang" re mato" myhid' nae".

Pe"mung:ga"re- naonhaung" Mao"So ASANG wa myishae de; ra" myi: we' dau: ra". Yao: re mai qhi" mo, re maqo" zang: kham ngad: ra".

Naonhaung" yao" myo; yang yao: the' myao va" rure naonhaung" daui: na: ra" yo, gu: mae mato" myhid' pye' lo: lha" yang: xam" to: ge,.

Airumung: ASANG wa mug:gaung we' myidgaung mae Mao"So ngad: rure ana" ba myid: beim: ge,- so gatau mana lo:ngad: ra".

Khoqhi" qi" qhang: ra" amyu" ngad: re ngad ngonhaung" Mao"So ASANG ngonhaung" re kad' ru we' dakhyo:- yao: bam yao: re qo ca" ko" ra" au: gyai te' ra" so maqo" ko" ngad: ra". Yao: wa ngonhaung" re bao" thaug' byid: nae" mho' khao: ngo" yao: tau: byid' ra".

Naonhaung" qhug: khai: qug: khai: qhug' mung: aigu: alhab' naonhaung" mae boe" lao" naonhaung" wa lo" thao" mae ASANG jhao" phaug' lo mung:- yao" dao: re tae" gyo" li" genae".

Ngo- naonhaung" re amyin" byid' to" rumae pe" ja: re: dalaung: ge,- daja: rere: dayu: pye' ge,- ngoyang naonhaung" re amyin" byid' to" ra" naonhaung" Mao"So ASANG: amyin" dao: jham re phug' cao" ge,.