Popular Bible Verses from MHO" PEIM: 28

Share

Ni" nho: Mao"So ASANG re phug' cao" mung: ana" ba ngo: yang nao re byid' ra" yao" amyin" jham re jhaug' zaug taung" cao" na: ngad: re- yao: wa nao re- myidgaung: dao mae" gatau: byumyu" ja: khao: ngo" tho' je: qi" qhang nhao nae".

Ni" nho: Mao"So: ASANG re phug' cao" na wa,. Aire ce: shaman" jeju alhab' wa ni" mae" ngad: li" nae".

Ni" Mao"So ASANG wa nao re byumyu" qe: nho: phaung gaung: mae au: jhaung boe" nhao mung: thao cao" yaug maboe" nhao nae". Nao wa- ana" ba nao re ngo byid' na: ra" yao" amyin" dao: alhab' re jhaug' zaug taung" phug' cao" na: ngad: re khonhae" re: na: dai mung: khonhae" re: majeim: nae".

Yao: wa- ayo, we' ayo, mae- mug:gaung mae" jo,nho" byang" ra" yao" jhi mae" mug: qu: khyo" ke' nhao mung:- ni" mau" zo" alhab' re shaman" byid' li" nae". Aimung: nao wa- byumyu" myo: sho' mo, re qo" jhid' byid: li" nae". Ngadqere: nao wa khag' mae" re: majhid' yu ca" nae".

Ni" gyevo jham nao re khe' zin" lo: re yao: bam re ASANG: yang aung: pye' byid: nae" yao: bam wa dashad' khyo" za: li" mung: nao re khe' zin" re nao mae" khyo shad' khao: ngo" khyo" phao: lo" li" genae".

Ni" nho: Mao"So ASANG wa ni" mau" zo" re shaman" byid: mung: ni" gaug jhi jham re pyang" to: byid' li" nae". Yao: wa nao re- yao" yang nao re byid: nae" mug: mae shaman" byid' li" nae".

ASANG wa- nao kad' ra" mau" ja: khao: ngo" re shaman" byid' li" nae".

ASANG wa- naonhaung" vogaung: jham we' qhovo: yo myid jham re shaman" byid' li" nae".

ASANG wa- nao re myid:zo: myo: sho'- gaugzo myo: sho' magan: mago" we' nung: we' yao myo: sho' shaman" byid' li" nae".

Ni" Mao"So ASANG re phug' cao" mung: yao" amyin" dao: jham ja: khao: ngo" re kad' cao" ngad: re- yao" yang dao:so: byid' to: va" ru we' dakhyo: nao re yao" byumyu" boe" nhao nae".

ASANG wa nao re- ni" gaug zo maui: lam: we' aijham: yang nyhang" to" ra" zo:ve shaman" byid' li" nae".

ASANG wa nao re byid: nae" ga: ni" nho: phug' pho" qere dao:so: byid' to" ra" mug: mae myid:zo: myo: sho'- nung: myo: sho' we' gaug zo magan: mago" shaman" byid' li" nae".

Ailao" myidgaung: dao mae" byumyu" alhab' wa- nao re ASANG: yang yao" byumyu" boe" nae" qhid' mae" khyin: yu: rure the' myao: bam mung: nao re gyaug: li" genae".

Ngadqere:- nao wa aigu: re khonhae" re:- khoru: re: maphug' cao" lo: magai: kad' pye' nae" gatau: so jham rere: magai: caung:pa" magai: caung da" byid: nae".

Ngadqere: nao wa- ni" Mao"So ASANG re maphug' cao" mung: ana" ba ngo naonhaung" re byid' na: ra" yao" amyin" jham we' tarha" jham alhab' re jhaug' zaug taung" makad' cao" re nao mae ce: makhyang: mashab: ru alhab' boe" lo: li" nae".