Popular Bible Verses from MHO" PEIM: 11

Share

Aijham re naonhaung" zo: dau qere mho" shid' byid: ge,. Naonhaung" wa yham mae na: au: re:- khyo su" na: au: re:- dugno: thang: na: au: re:- mau" zaui" na: au: re: ce amyin" dao: jham yao: bam re ta" kyo: ge,.

Ce: amyin" dao: jham re myid: beim: mung: aire jhid'de; kao bau ge,- ta" peim: byid' ra" zai khyo" aijham re- naonhaung" lo,pau" mae taui" te' ci mung: naonhaung" nga: lao: mae re: taui" te' ci ge,.

Airumung: ana" ba ngo naonhaung" re byid' to" ra" amyin" dao: jham re phug' cao" ge,. Naonhaung" Mao"So ASANG re jhid'de; mung:- naonhaung" aung khug nhag' lam: alhab' yang yao: re caung da" byid: ge,. Naonhaung" phug' cao" ko" re wa- qo ca" ra" ayo, joe" lao" yao: wa naonhaung" mug:myid khyo jham: zang jham: zo: mug: qu byid: nae". Airulao" naonhaung" gaug zo- sabyi qang:- naonhaung" qhid' mae" zhanlun xau- thug' byid: mung:- naonhaung" gug'nyhug' jham: qhid' mae" mhin: yaug: li" nae". Naonhaung" o: ra" zo:ve alhab' re naonhaung" qo" yu: li" genae".

Naonhaung" Mao"So ASANG re jhid'de; mung: yao" tarha" alhab' re khonhae" re: phug' cao" na ge,.

Ana" ba ngo wa nao re- shaman" jeju we' nhang: kheim: re khyin: yu nae" akhang" byid' ra". Nao wa ni" Mao"So ASANG: amyin" dao: jham re phug' cao" yang: ngad: re- ana" ba nao re ngo shaman" jeju byid: nae". Ngadqere: nao wa ce: amyin" dao: jham re maphug' cao" lo:- nao qhid' phyao: macaung:pa" qu" ra" so gatau jham re- caung:pa" nae" qhid' mae" khyonghung: nghung" lo" byaug yang: ngad: re wa nhang: kheim: zao" nae".

Aijham re- ni" yham kham: baung jham mae we' kham: mo" dung: jham mae tung" te' to: ge,. Ailao" ni" phug' pho" qere byid: nae" ga: naonhaung" Mao"So dao:so: byid' to" ra" mung"dan: mae nao we' ni" zo: dau qe wa apyad qhang sho' qo" na: li" genae". Naonhaung" wa ai: mung"dan: mae- myidgaung tho' mae mug:gaung ajo; jo; ra" myhao" qo" daui: na: li" genae".

So gatau jham re caung:pa" nae" we' caung da" byid: nae" qhid' mae" naonhaung" yao" gaung re ASANG mae" daphaug' lo" nhao ge,.