Popular Bible Verses from 2 KHO:KHAM 2

Share

Aimae Elia wa Elisha re ngo jhui" yu maqhug' shire ngo nao re pe" kad' byid: nae" nao o: i? Ngo re ta" la,- ga: myid' ra". Elisha wa ni" byo qam: so' shid' zhao" ngore qo" nhao la,- ai wa ngore ni" khu mae xo' kad' nae" qam: byid' li" nae"- ga: tau" ra".

Yao: shid' yaug xo' su" ye" lo" zo" jho" jhau: ye" lo" ako". Ailao" myi myao: jham: yang she: ra" myi: gyekhe' myao: lhin" wa nyag din taung" yao: shid' yaug: agyo: mae joe" li" mung: Elia wa la sham" yang mug:gaung khyo to' yu: ru qhug' ra".

Elia wa ceru wa byid: nae" gyai qug' ra". Ngadqere: nao mae" ngore jhui" yu: pye' au: nao the' myao: re wa nao aire qo" khae: yu: li" nae"- ngore nao mathe' myao re wa aire nao maqo" khae: yu nae"- ga: phaug' tau" ra".

Yao: wa Elia nho: bau: qhang yang qid gyaung: re be; mung:- Elia nho: Mao"So ASANG wa khai: mae i? ga: ta" ra". Ai: thao yao: wa qid gyaung: re dam: be; ke' ra". Qid wa jho" kho' lo" mung: thoete' khyo su" de; lo" ra".

Elisha wa aire the' myao mung: Elia re -nga" pho" we"- nga" pho" we"- Israel nho: gyekhe' myao: lhin" jham we' myao: jui: mo, wo"- nao lo" byaug va"- ga: hug' ta" ra". Yao: wa Elia re khonhae" re: madam: the' myao lo:ngad: ra". Nhag' kaug' yang: Elisha wa yao" bau: qhang re shid' gao lao" kho' pye' ra".

Ailao"- Elia wa yao" bau: qhang re khyad' pye' yang: dang: mung: ai yang qid re be; ke' ra". Qid wa jho" kho' lo" mung: yao: we' Elisha wa myid ho yo mae thoete' khyo gau" de; ye" ako".

ASANG wa Elia re la sham" mae mug:gaung khyo to' yu nae" ayo, joe" lo: ra". Elia we' Elisha wa Gilga mae" to" lo" mung: