Popular Bible Verses from 2 KORINTHU 9

Share

Mao"So wa ngonhaung" qo ca: gu: alhab' mae jan" sho' qo" byid: yaug ngad: ruyang naonhaung" qo ca" ra" ja: khao: ngo" qhid' mae" khyao qo" na: ru za: mangad:- gai: ra" khyo khe' khao: ngo" mae byid: nae" qhid' mae" re: laug sho' qo" li" genae".

Airumung: yaug khao: ngo" wa- yao: yao" aung khug mae myid: phyid' to" ru we' dakhyo:- Alu: byid: qo: ra". Amyid: avho: myid we' re:- byid: nae" qo bo: ga" ra" myid we' re:- Alu: magai: byid: ngad: ra". Pe"mung:ga"re Mao"So wa ngaui bau" ra" myid we' Alu: byid' ra" yaug re jhid'de; ra".

Myug: shi: dajhid' za: sin" ra" yaug wa- dajhid' za: qo" jham" yu: li" nae". Myug: shi: myo: sho' sin" ra" yaug wa- ashi: myo: sho' qo" jham" yu: li" nae" ngad: rure myid: beim: ge,

Myug: shi: sin" ra" yaug re myug: shi: we' zo:ve byid' ra" yaug Mao"So wa- naonhaung" qo ca" ra" myug: shi: alhab' rere:- byid: mung: aire yaug: qi" li" nhao: li" nae". Naonhaung" nho: byid: nug kao bau: ra" mau" zo" mae" ashi: myo: sho' qo" jham" yu nhao: li" nae". Naonhaung" wa ayo, khao: ngo" mae- byid: nug kao bau taung" qo" gae byid: genae" qhid' mae" Mao"So wa naonhaung" re khonhae" re:- qo" nhao: li" nae". Ailao"- ngonhaung" lo, mae" naonhaung" Alu: jhaung qhu" re lham: qo" khae: yu ko" ra" mo, myo: sho' wa- Mao"So re jeju caung:khin" byid' li" genae".

Aphug' matho' ta" ra" yao" jeju jhaung qhu" mathao mae Mao"So re ngonhaung" caung:khin" byid: gelang: