Popular Bible Verses from 1SAMUELA 16

Share

Ngadqere: ASANG wa yao: re- yao: wa khoqhi" qhang qhang- khonho" yaung" yaung" aire daqu" wa,- yao: re ngo ha: pye' va". Pe"mung:ga"re ngo wa byu dao: kho' ruru: dao: kho' yaug mangad:- byu wa adao shad' gaung khyao qu" ako". Ngadqere: ngo wa nhag' lam: re qu" ra"- ga: ta" ra".

Samuela wa zhanlun xau re yu mung: yao" yao: mao: qe: qhid' kheim: mae Davi re xau gyad byid' ra". Aijao" ASANG byo wa Davi re jaung" mung:- ai: ba mae" yao: we' daga" na: ra". Ai: thao Samuela wa Rama khyo tug' lo" byaug: ra".

Ai: thao Samuela wa yao: re nao yauggai zo: gayaug maqo" lo: i? ga: myid' ako". Yese wa ngai: thao" yaug na shi"- ngadqere: yao: wa taung gaung khyo yao zam" na: ra" ga: tau" ra". Samuela cekhyo li" nae" yao: re ta" wa,- yao: majoe" li" li" wa ngonhaung" xeim: ngaui" mangaui" byid: nae"- ga: ta" ra".