Popular Bible Verses from 1 KHO:KHAM MHOMYI: 16

Share

Bao" yu nae" qhid' mae" ASANG jhao" locaung: pa" ge,.

ASANG re caung: khin" byid: ge,- ASANG wa gai: rumung: yao: re jeju beim: so: byid: ge,. Yao" jhid' de; myid wa apyad ato mae ngad: ra".

ASANG re jeju so: byid: ge,- yao" qi" qhang: ra" khyo re ta" hau: kyo: ge,. Byumyu" qere yao: kad' ra" mau" zo" ta" kyo: ge,.

Yao" yang ngonhaung" re sang: rumung: ngaui bau" na ge,. Yao: re caung:pa" byid: mo, alhab' ngaui bai" ngaui lho" na ge,.

Yao" daui daui yaug Abraham nho: myid:zo: qe we"- Yao: khyin: yu: ra" yaug Yaku nho: myid:zo: qe we"- Mao"So kad' qhu" lo: ra" mug' pho: mau" jham re beim: ge,. Yao: byid' ra" dao: kho' khyo rere: beim: so: ge,.

ASANG re Nghaui"caung: ge,. Yao: kad' ra" mug' pho: mau" zo" jham re ta" kyo: ge,.

ASANG wa qi" qhang: rumung: gyai yao: caung: khin" byid: nae" man: qi" ra" so aho jham alhab' tho' mae je yang: yao: re nga: yhe' byid: ca" ra".

ASANG: nho: phung bo: ra" mang a re caung: khin" byid: ge,- ngaui" xeim: ci mung: yao" Caung:pa" Yham khyo vao li" ge,. Gyang" lho" yaug thug' li" re yao" qhid' kheim: mae goe; pa" ge,.

Phungbao we' kho:kham aso' wa yao: re lhang" kham" to" ra". Yao" nho: Caung:pa" Yham mae kheim: so' we' yaung" ru byang" jo; ra".

Mug: myid geim" mae" alhab' mo, we"- ASANG re khin" caung: byid: ge,. Yao" yang ngonhaung" re khyad' yu: ra" khyo ngaui bau" lau dao: re ba khao: ngo" ta" hau" na ge,.

Yao" nho: phungbao re byumyu" alhab' mo, re ta" hau" kyo: ge,- byumyu" alhab' re yao" nho: qam: so' thin: ra" mau" zo" jham ta" hau" kyo: ge,.

Ngoyang khyin: to" ra" daui daui mo, re dae date' ge,. Nga" lapa qere dathe' zao" ge, ga: ta" ra".

Gatau: byumyu" alhab' mo; nho: so jham wa sulho jham za: ngad: ako". ngadqere: ASANG wa mug: khaung jham re phan" to" ra".

Apyad ato mae dang: jo, nae" qhid' mae" Abraham we' kad' to" ra" dao: thang"- Isag' we' kad' to" ra" dao:so: ngad: ra" Mao"So: dao: thang" re khonhae" re: dato" myhid' ge,.

Myid gaung we' mug:gaung we"- ngaui bau: ge,- ASANG wa kho:kham ngad: rure byumyu" mung"dan: jham re ta" kyo: ge,.

Israel nho: Mao"So ASANG re caung: khin" ge,- ana" re: apyad ato mae re: yao: re caung: khin" ge,. Ai: thao amyu" byu qe alhab' wa- Amen- ga: ta" mung: ASANG re caung: khin" ako".

Myid gaung dao mae" byu qe we"- ASANG re caung: khin" byid: ge,- yao" nho: phungbao we' qam: o: re caung: khin" byid: ge,.