Popular Bible Verses from Roma 7

Share

Au sa vakavinavinaka vua na Kalou e na vuku ni noda Turaga ko Jisu Karisito. Ia sa qai vakaoqo, au sa qarava na vunau ni Kalou e na lomaqu dina, ia na vunau ni valavala ca e na noqu i tovo vakayago.

Ni'u sa kila sa sega sara ni tiko vei au e na noqu i tovo vakayago e dua na ka vinaka. Ni sa tiko ga vei au na vinakata na ka vinaka, ia na kaukauwa me'u kitaka kina ka'u sa sega ni kunea.

Na ka vinaka ka'u sa vinakata, au sa sega ni kitaka; ia na ka ca ka'u sa sega ni vinakata, au sa kitaka ga.

Ia oqo kevaka ka'u sa kitaka na ka ka'u sa sega ni vinakata, sa qai sega ni koi au dina ka kitaka, na ca ga sa tiko vei au.

Ka'u sa kunea kina e dua na vunau, ni gauna au via kitaka kina na ka vinaka, sa tiko volekati au sara na ca. Ni'u sa taleitaka na vunau ni Kalou e na lomaqu dina

O koya oqo kevaka ka'u sa kitaka na ka ka'u sa sega ni vinakata, au sa kaya kina ni sa vinaka na vunau.