Popular Bible Verses from Cakacaka 20

Share

E na ka kecega au sa vakatakila vei kemudou, ni sa kilikili mo dou daucakacaka vakaoqo mo dou vukei ira sa malumalumu, mo dou nanuma talega na vosa ni Turaga ko Jisu, ni sa kaya ko koya, ‘A ka ni veivakalougatataki vakalevu me soli-ka, ka vakalailai ga me taura na ka.’ ”

Ia ka’u sa sega sara ni nanuma na noqu bula me ka talei vei au ka me’u vakaotia ga na noqu cakacaka kei nai tavi ka solia mai vei au na Turaga ko Jisu, me’u vakatakila nai tukutuku-vinaka ni loloma ni Kalou.

O koya ga mo dou vakaraici kemudou, kei ira kecega na qele-ni-sipi, sa lesi kemudou kina na Yalo Tabu mo dou nodra i vakatawa, mo dou vakania nai soqosoqo lotu ni Kalou; ko ira sa volia ko koya, e na nona dra ga.

Oi kemudou na veiwekani, au sa qai tataunaki kemudou vua na Kalou, kei na vosa ni nona loloma o koya sa rawata me vakatataki kemudou ka solia vei kemudou mo dou i votavota vata kei ira kecega sa vakasavasavataki.