Popular Bible Verses from रोमी 7

Share

हें प्रभु यीशु मसीहे बेलिए परमेश्वरे धन्यवाद लौतु भो, जेन मोउं जे ए कम किआ। तोउं त, मसीहे बेलि मेओ अपु नोउए सभावे बेलिए अउं परमेश्वरे नियमे गुलाम भो, पर जिसमे बेलिए अउं पापे गुलाम भो।

किस कि मोउं पता असा कि अउं अपु जिसमे सभावे बेलि कोई बि खरे कम कइ ना बटता। खरे कम करणे चह त मोउं अन्तर असी, पर खरे कम में बेलिए भुन्ते ईं नउ।

किस कि जेस खरे कम करण अउं चहन्ता, तेन्हि त ना कता, पर जेन्हि बुरे कमी करण ना चहन्ता, तेन्हि कता रेहन्ता।

तोउं त, अगर अउं तेन्हि कमी कता, जेस करण ना चहन्ता, त तस करणे बाड़ा अउं ना भो, पर मोउं अन्तर बसो से पाप भो।

ईं कते-कुते अउं अपु जिन्‍दगी अन्तर हेरता कि जपल बि अउं कोई खरे कम करण चहन्ता, त में अन्तरी बुरी इच्छा मोउं तेस करण केआं रोकती। किस कि मसीहे बेलिए मेओ नोउए सभावे बझई जोई परमेश्वरे नियम त मोउं ती ट्यारे असे।

होर जेस करण जे अउं ना चहन्ता, अगर तस कता त अउं मन छता कि नियम खरे असे।