Popular Bible Verses from प्रतिनिधि 11

Share

होर जपल से तेस जोई मिआ त तेस अन्ताकिया शेहर जे घिन आ। तोउं भु ईं कि से दुहिए यक साल तकर सतसंग जोई मी कइ सुआ मेह्‍णु शिचालण लगे। त विश्वासी सोबी केआं पेहले अन्ताकिया शेहर अन्तर “इसाई” बोलुण लगे।

जपल से तठि पुजा त परमेश्वरे कृपा हेर कइ खुश भोई गा। तोउं तेन तेन्हि सोबी जे हिम्मत दी कइ बोलु कि पूरे मन जुओई प्रभु भक्ति करे। बर्नबास यक भला मेह्‍णु थिआ, त शुची आत्माई त विश्वास बेलिए भरिए थिआ; ईं भोई कइ सुआ मेह्‍णु प्रभु कना जे पैटे।

होर जपल परमेश्वरे तेन्के धे बि सेईंए शुची आत्माई वरदान दिता, जे तेन असी प्रभु यीशु मसीह पुठ विश्वास करणे बेलि दुतो थिआ; त अउं कोउं भुन्ता, जे परमेश्वर रोक बटताथ?” ईं शुण कइ यरुशलेम शेहरे यहूदी विश्वासी चुप भोई गे, त परमेश्वरे गुणगान कर कइ बोलुण लगे, “तोउं त, परमेश्वरे गैर यहूदी मेह्‍णु जे बि अपु अपु मन बदलाई कइ अमर जीवन जीणे दान दुतो असा।”