Popular Bible Verses from 2 थेस्सलु 2

Share

कोई जेईं बि तुसी कीं कइ बि ना ठगाल, किस कि से रोज तपल तकर ना एन्ता, जपल तकर मेह्‍णु विश्वास करण छड़ ना दियेल, होर से कलंकी मेह्‍णु मतलब बरबादी अण्हणे बाड़ा मेह्‍णु ना खड़ियाल।

पर ए भाई त भेणिओं, त प्रभु यीशु ट्यारे मेह्‍णुओ! असी हर बेले तुं लिए परमेश्वरे धन्यवाद करुण बारा, किस कि शुरुवात केआं प्रभु तुसी चुणो असे, ताकि तुस शुची आत्माई बइ शुचे भोई कइ त सच्चाई पुठ विश्वास कर कइ बच बटियेल।

से अपफ परमेश्वरे त जे पूजा करणे लेएक असे, तेन्के खिलाफ भुन्ता त अपफ जे बोडा बोता। से अपफ जे परमेश्वर बोता त परमेश्वरे देहेर अन्तर पासर बंठ कइ बिश्ता।

अभेईं, हें प्रभु यीशु मसीह अपफ, त हें परमपिता परमेश्वर, जेन असी जोई परेम किओ असा त अपु दाह जुए हें धे कदी ना मुकुणे बाड़ा अराम त खरी उम्मीद दुतो असी, से तुं मन अन्तर हिम्मत दिए त सम्हाई खरे कम करण जे, होर अपु वचन अन्तर बधुण जे शक्ति दिए।

तोउं त परमेश्वर यक झुठी शक्ति तेन्हि बुच लंघान्ता ताकि से सोब झूठ पुठ यकीन करे।

तेस कलंकी मेह्‍णु एण शैताने कमे हेसाब जोई भुन्ता, जीं कि हर किस्मी झूठे चमत्कार, झूठे निशाण, झुठी ताकत त हर किस्मी धोखे असे, जे तेन्हि नाश भुणे बाड़ी जे असे, किस कि तेन्के दिल अन्तर सच्चाई जे कोई परेम नेओथ, जेसे बेलि से बच घेन्तेथ।

किस कि तेस कलंकी नियको शक्ति अभेईं बि कम करण लगो असी; पर अभेईं यक रोकणे बाड़ा असा त तपल तकर से कलंकी हें बुच ना एई बटता, जपल तकर कि से रोकणे बाड़ा हें बुचा बाहर ना घेई घियाल।