टर कानिम् फाक्खुबा निवाँहाङ्मि नाम्नावाँ हाङ् खोसॆ याॽमिचि नाम्नाम् पिसिम्पा खानावाँ खाङ्मुसा। हाङ् खोसॆ कानि हिङ्पक्मिट्टि। टर कानिऎ निवाँनेन् योम्पक् मुमिम्पासॆ ग हॆॽनॆ, टर खोम् नाम्नावाँ रक्न खोसॆ कानि होइखेपा सङ्क उम्चङ् जान्म लिमिॽमाम् लागि सःगि। हाङ् सॆङ्सॆङॆ लावाबाङ् उम्चङ् हिङ्खामा पिडि। निवाँहाङ्ऎ म सॆङ्सॆङॆ लावा कानि फाक्खुबा पारभु येसु खिरिस्टबाङ् खेःॽलढारि कानि सक्पि बोबु। गरहाङ् कानि खोम् नाम्नावाँऎ निवाँनेन् याॽमि लिसि, हाङ् कानिऎ हुङ्मिम्पा हानाम्स आसिखॆॽमॆ हिङ्खामामि सङ्क ढुप्पाट्ट टक्चाइर।