Popular Bible Verses from गालाटि 6

Share

हाङ् नुऎ योम्‍पक् यिग्‍ढाङ्‌सिये, मान्‍ठाभनॆ निवाँ मान्‍सेॽले लाम्‍ढुढाङ्‌सि हाङ्‌ग कानिऎ नुऎ लःबि आसिका खोम्‍चाटकि।

मसॆ लॆःटक्‍मा अक्‍सि कानिऎ चोब्‍न याॽमिचिम् लागि नुऎ योम्‍पक् यिग्‍मा लॆः। चोब्‍न याॽमिचिबि सङ्‌क निवाँयुङ् लॆखुबा खिम्‍पिहा याॽमिचि चाइ नुःर खाङ्‌मा लॆःॽमि।

एक्‍कसॆ होइकमि डुखाबि पाइबाक्‍पे चुआनॆ। गर लॆःसे आन्‍नॆ खिरिस्‍टमि यायेॽमा टिङुकाम्‍नि।

हाङ् टाङपॆ टाङ्‌पान ऎबङ्‌सिटानॆ। निवाँहाङ् आसॆस बङ्‌सिॽमा हेसुचिनि मान्‍ठाभनॆ याॽमिचिऎ मान्‍टक्‍मा योम्‍पक् यिगुक्‍मि, डॆङ्‌पि मरहाःन आङ्‌टिखॆकुचि।

हाङ् आसॆ चाइ सालुङ्‌पिऎ निवाँ रक्‍न योम्‍पक् यिगुकु, खोसॆ लुक्‍खॆॽमॆ हिङ्‌खामा टक्‍चाकु। हाङ् आसॆ सॆङ्‌सॆङॆ लावा रक्‍न योम्‍पक् यिगुक् खोसॆ लावाबाङ्‌न हानाम्‍स लुक्‍खॆॽनॆ हिङ्‌खामा टक्‍चाकु।

बुबुनानुसाचि आन्‍ना हङ्‌सिबि आसॆ चाइ हिङ्‌वा योम्‍पक यिग्‍मिम्‍पा खाङ्‌टकाम्‍नि हाङग सॆङ्‌सॆङॆ लावा रक्‍न लाम्‍ढुखुबाचिऎ मिःछुवा लॆङ्‌मानुङ आक्‍क याॽमि चिनाम्‍चिनॆ। हाङ् गरऎ काइसॆ योम्‍पक्‍बि टाङ्‌पा स ऎफोब्‍डारिर कामानुङ् नुःर पेनानॆ।

मान्‍ठाभनॆ आसॆ चाइ खो माङ्‌स हॆॽनॆ हाङ्‌स काङानये मिनुकु हाङ्‌ग खोसॆ खोन बङ्‌सिकु। चोप्‍पासॆ टाटाङपामि योम्‍पक ठागाम्‍नॆ। हाङ् टाङ्‌पॆ यिक्‍मिम्‍पा नुऎ योम्‍पक्‍बि चेन्‍चाकानि। हाङ् आन्‍नॆ यिक्‍मिम्‍पा आक्‍क योम्‍पक् होइढाचिनुङ् ङेःॽप्‍मा पाप्‍नि। मान्‍ठाभनॆ चोब्‍न याॽमिचिऎ टाटाङ्‌पे टाङ्‌पा टाङ्‌पामि योम्‍पक् यिक्‍मा लॆः।