Popular Bible Verses from १ ठेसलोनिकि 4

Share

हाङ् कानि हिङ्‌चामा नुङ् बाखाटेम्‍पि चुयाकिहाचि स खोचिनुङ् सोरि खिन्‍दुमाबि पारभु चुप्‍माम् लागि नाम्‍फलिॽवाबि लाखॆ। गरहाङ् कानि हानाम्‍स पारभु नुङ् लिढाङ्‌कि।

मान्‍ठाभनॆ पारभु खोन पारुबाङ् ढ्‌या खानावाँनुङ् हाङ् ढ्‌या निवाँखाटॆखुबामि साम्‍लानुङ् हाङ् निवाँहाङ्‌मि पॆपॆलिमामि सम्‍लाबि उङुक्। हाङ् निवाँयुङ् लॆःॽमानुङ् सिखॆम्‍पाचि याॽल हिङ्‌पःक्‍मि।

मान्‍ठाभनॆ निवाँहाङ्ऎ आन्‍ना सॆङ्‌सॆङॆ लिमिम्‍पा खाङ्‌मा मिकानि, मसॆ आन्‍ना ब्‍याबिचारा लॆःॽमॆ योम्‍पक्‍बाङ् मिउ पेनानॆ। आन्‍ना चोप्‍पासॆ ग खानावाँ लेमा लॆ, आन्‍नॆ टाङ्‌पाम् सालुङ् टाङ्‌पॆॽन खाङ्‌मा चिन्‍मा लॆ हाङ् सॆङ्‌सॆङॆ हाङ् नुऎ हिङ्‌खामा हिङ्‌चामा लॆ।

मान्‍ठाभनॆ येसु सिखारा हाङ् फेरि हिङ्‌पका लोमॆ खानावाँबि कानिऎ निवाँयुङ् लॆ। गरहाङ्‌न खोबि निवाँयुङ् लॆःॽमानुङ् सिखॆम्‍पाचि निवाँहाङ्ऎ येसुबाङ् लाटॆकुचि।

हाङ् काङ्‌कॆ याॽलिन लोसिन्‍टॽन आन्‍नॆ सान्‍टिबि पेन्‍मॆ खानावाँबि निवाँ टिसानॆ, होइढा याॽमिचि गरमर लोमॆ खानावाँबि हॆॽनॆ, टर टाङ्‌पाम् योम्‍पक् मुचाआनॆ हाङ् टाङ्‌पाम् लागि टाङ्‌पाम् हुगॆॽन योम्‍पक् मुसानॆ।

मान्‍ठाभनॆ निवाँहाङ्ऎ कानि सॆङ्‌सॆङॆ मॆड्‌डिङ्‌मा लिसि हॆॽनॆ, टर सॆङ्‌सॆङॆ हिङ्‌खामा पिस्‍सि सॆःॽमिम्‍पा यो।