Popular Bible Verses from १ पाट्‌रुस 3

Share

टर आन्‍नॆ निवाँबाङ्‌न खिरिस्‍ट चाइ पारभु कामानुङ् खोमि किसिमाबि पेनानॆ। याॽमिचिऎ आन्‍नामि आसमि बारेबि सिमामि हाङ्‌ग हानाम्‍स खानावाँ इबिॽमाम् लागि परकानॆ। टर म योम्‍पक् चाइ मिःछुपा लॆङमानुङ् खोचि ढ्‌या मुसे यिगानॆ। टर आन्‍नामि निवॆँ माङ् चाइ काम्‍नुऎ नुङ् काइसॆ खानावाँ फाक्‍हिमा लॆ। मसॆ आन्‍ना सिच्‍चाखुबाचि हाङ् खिरिस्‍टबि चुऎ आन्‍नामि काम्‍नुऎ चालाना इचाखुबाचि ङेसिखॆॽमिर।

मान्‍ठाभनॆ निवाँहाङ्ऎ खोम् ङारिङ्‌पि निवाँनेन लिखुबाचिन खाङुकुचि, हाङ् खोचिम् खानावाँ खेम्‍पिकुचिमि। टर काइसॆ योम्‍पक् यिक्‍खुबाचि चाइ सिच्‍चोकुचि हाङ् उम्‍चि खानावाँ खेमुनि।”

आन्‍ना काम्‍नुऎ खाङ्‌मुमाम् लागि टाङाक चाक्‍मॆ, फिःॽयामि चाक्‍मारा वॆःॽमॆ हाङ् काम्‍नुहा चे चाङ्‌मॆ योम्‍पक्‍बि निवाँ आटिसानॆ। टर आन्‍नामि काम्‍नुऎ चाइ निवाँ हङ्‌सिऎ लिर, आक्‍क हानाम्‍स लुक्‍खॆॽनॆ मिःछुपा लॆङ्‌खुबा हाङ् सान्‍टिमि लावा नुङ्‌मा काम्‍नुऎ लि, हाङ् ग चाइ निवाँहाङ्‌मि ङारिङ्‌पि एट्‌टान योम्‍पक् पिक्‍खुबा खानावाँ यो।

मान्‍ठाभनॆ निवाँनेन् साब्‍चिराऎ गर इकु, “आसॆ नुऎ हिङ्‌खामा हाङ् काम्‍नुऎ डिना खाङ्‌मा मिनुकु, खोसॆ उम् लेन् काइर यामुमाबाङ् हाङ् ढाँटु बङ्‌चामाबाङ् मॆॽयङ् युक्‍सुर। “आक्‍कसॆ काइर योक्‍पक यिक्‍मा याइटुर हाङ् काम्‍नुऎ योम्‍पक् यिगुर। हाङ् आक्‍क सान्‍टिबि पेन्‍ल हाङ् आक्‍कन लाम् टिङुर।

कॆ माङ् लोमिम्‍पा भनॆ, आन्‍ना चोब्‍न एक्‍कन निवाँ नुङ्‌मा लिसानॆ। एक्‍कसॆ होइक नाम्‍नाम् पिसिपे चुआनॆ हाङ् बुबुनानुसाचिर नाम्‍नाम् पिसिपे चुआनॆ। निवाँ नॆक्‍सिआनॆ हाङ् मिःछुपा लिमानुङ् पेनानॆ। काइर लॆखुबाचि काइरन आलॆटाम्‍नॆ हाङ् चाप्‍हिमा पिक्‍खुबाचि चाप्‍हिमा आपिट्‌टाम्‍चिनॆ, बोरु आसिका पिट्‌टाम्‍चिनॆ। मान्‍ठाभनॆ गमि लागिॽन आन्‍ना सेःमिम्‍पा। हाङ् आन्‍नॆ आसिका टक्‍चाकाम्‍नि।

आन्‍नॆ काम्‍नुऎ योम्‍पक यिग्‍मा मिनाम्‍नि हाङ्‌ग आन्‍नाम आसॆ माङ् नासॆलॆहिकुचिहा?

“आक्‍कसॆ काइर योक्‍पक यिक्‍मा याइटुर हाङ् काम्‍नुऎ योम्‍पक् यिगुर। हाङ् आक्‍क सान्‍टिबि पेन्‍ल हाङ् आक्‍कन लाम् टिङुर।

आन्‍नॆ ग खानावाँ वाबाम्‍नॆ, निवाँहाङ्ऎ गरॽन मिनुॽहाङग, काइर पाइसे डुखा आङ्‌माबाङ्‌स नुऎ योम्‍पक् मुसे डुखा आङ्‌मान नुऎ लि।