Popular Bible Verses from मत्ती 28

Share

ईंखातर जाओ। अर सारै देस गै लोगां नै मेरा चेला बणाओ। ओ काम थे पिता पुत्र अर पवितर आत्मा गै नाम ऊं बतिस्मो देगे करियो। झिका आदेस मैं थानै दिया, बां पर लोगां नै चालणो सिखाओ। अर याद राखियो, जगत गै अंत तांई मैं थारै सागै रेऊंगा।”

फेर यीसू बांगै कनै जा'गे केयो, “धरती अर सुरग गो सारो अधिकार मनै सूंपेड़ो है।

जद सुरगदूत बां लुगाईयां नै केयो, “डरो ना। मनै ठा है थे यीसू नै ढूंडण लागरी हो। झिकै नै करूस पर चढायो। बो अठै कोनी। जिंया बण केयो, बो मरण गै बाद पाछो जींवंतो हो'ग्यो। आज्यो, बिं जिग्यां नै देखो, जठै बिनै सुणायेड़ो हो।

जद यीसू बानै केयो, “डरो ना, मेरै संगीया कनै जाओ अर बानै गलील कानी चालण गो के दैयो। बठै ई मनै बे देखैगा।”

जद बुढा यहुदी नेतावां सागै रळगे एक योजना बणाई। बां सिपाईयां नै भोत सारो धन देगे केयो, “कै थे लोगां नै केईयो जद म्हे सूत्या हा तो यीसू गा चेला कबर पर आया अर बिंगी ल्हास नै चोर गे लेग्या। जे थारी ऐ बातां राजा तांई पूगैगी तो म्हे आपी संभाळ लेस्यां। थारै पर आंच कोनी आवैगी। जद बां पीसा लेगे बिंयाई करयो, जिंया बां केयो।” अर आ बात अजे तांई यहुदियां में इंयाई फेलेड़ी है।