Popular Bible Verses from 2 Timoti 1

Share

Xo nelavu, Mosinge mulosinge Ulenu la anu so u'oxonu oponenge kalaua uasi. Anu Ulenu so ulosinge xavi mo sexela xe usu'ulinenge so tapamuxanu xoluxolunenge laixe.

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

Laso eni amasaxau a'avutinixine no anu mi laixe e Mosinge mupilixinu noxinge no voxo loxo emulaxu avolo noxine tatei. Mupilixinu noxinge la aloxo navusi, laso nini natautauxu so uka alavuala.

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

Laso maixene atavulenu navunavusou 'o ia amailamulinu uasi. Xo anu ane alolopalanu la elavusou ilixou, mo elavu manina no opoleli lexe anu umomomo so uutululunu vaikalaou e mupilixinu noxilo 'o. Uutululunu uxolu laixe xo mo uxali no anu voxosou olele.