Popular Bible Verses from 1 Timoti 2

Share

Xo manina, Mosinge vilesisi. Mo itema vilesisi so utulu mo ukalusou la'ia no tainenge nenge tamitema xe Mosinge. Itema vilesisi ne a Kalaisiti Iesuasi. Xo anu mupi­lixinu lape umomomo noxi'a tamitema mukalusi. Lape ne, mauli noxousi. Mu'oxo axone xe no voxo loxo Mosinge musosovosou, la a'alosou mupala'a.

Ioxe, pelototo noxilo tei aloxo 'o. Laixe so Mosinge ta'olu ilinga mo ivikala noxou mo ilemolu laixe mo ipilixine'i tamitema mukalusi noxou Mosinge. Mo ilingau su'ulisi'a takingi oli'a taxamani. Mo so axone la xoluxolunenge se'isisi mo lalavulusi ulovo no anu masaxa noxou Mosinge.

Laso ane. Masaxa noxilo lexe Mosinge ta'olu no tuatuala ixolu tane'i malemalenga so ivikala noxou Mosinge. Xo loxo vile uxolu uvikala noxou Mosinge la oponu la'iaxui'a o uxililiie'i tamenexu mamu. Xe vile aloxo 'ola. Eni amasaxau lexe tasema opone'i ututuluou lavuluti lailaixe so itokolomonu vasime'a no anu malaxo uasi. Xe mamu so ixolaxola mo itokolo­monu laxusi'a xe ivaxanu mimi so vasime'a koli o xapoxapo xe lavuluti ane lamolisou tatila musuku. Laixe so imulaxu mimi ane utanuxu vasime'a laixe mo ane so ulapunu ie'i tamitema uasi. Xo loxo sema vile ivikala lexe ane imulinu masaxa noxou Mosinge la opone ututuluou mimi so vasimele uasi, ututuluou xaixai noxou Mosingesi.