Popular Bible Verses from 1 Pita 5

Share

Loxo mi ma'ia u'avutinoxu opongengi la ngapilixinu noxou Mosingesi xo anu tanungenge misevile.

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i. Ia ngaxolu pumu­ngenge no anu lopala noxinge ka nga'apixusi. Mo ngalavu no opongengi lexe tavivinge talopala no xale lia mukalusi a itavulenu tu'umaxu iou vilesisi aloxo ngingi nesi.

Laso ngalu'engengi ngaxolu no laxu Mosinge avolu so u'oxo latolosinge no anu xaviou xo mo uxali no anu voxo e muso­sovosou so molu u'itingengi.

La ngingi tamaulu kalumo, ngalu'engengi noxi'a tamitema so isaxila'inge ne. Mo ngingi muka­lusi ngalu'engengi so nga'oxonu xaixai noxinge ngato'o. Aloxo Mosinge vaikalaou ulemolu lexe, “Noxi'a tamitema ane me'a i'itine'i la Mosinge uxililiie'i ia noxi'a ane'i ane ilu'ene'i la uiaiama noxi'asi.”