Popular Bible Verses from मर्कूस 2

Share

यी सुनके येशू ओइन्हे जवाफ देलाँ, “निरोगीनहे वैदक जरुरी नै पर्थिन, पर रोगीनहे वैदक जरुरी पर्थिन। मै ओइन्हे बलाई नै अइनु, जेने अपनहे धर्मी मन्थाँ। पर मै पापीनहे बलाई अइनु, ताकि ओइने पाप करना छोरदिँत, और अपन मन बद्लिँत।”

जब येशू अपन उप्पर ओइन्के विश्वास देख्लाँ, तब कुँज रोग लागल मनैयाहे ऊ कलाँ, “मोरिक संघरिया तोहाँर पाप माफ होगिलाँ।”

तब् येशू ओइन्हे कलाँ, “परमेश्वर मनैनहे बिँसैना दिनके लग नै बनाइल हुइँत, पर परमेश्वर मनैनके लग बिँसैना दिन बनैलाँ।

जब ओइने उ मनैयाहे भीड़के कारण येशूक थेन पुगाई नै सेक्लाँ, तब् ओइने येशूक मुन्टक सोझे उप्पर छँपरा उजरलाँ। तब् ओइने उप्परसे येशूक ठिक आघे उ मनैयाहे दरीसुन्धे झुलाके उतारदेलाँ।

पर मै चहथुँ कि तुहुरे जानो कि मै, मनैयक छावाहे धर्तीमे मनैनके पाप माफ करना अधिकार बा।” तब् येशू उ कुँज रोग लागल मनैयाहे कलाँ, “मै तुहिहे कहतुँ, ठरह्याजा, अपन दरी उठा और अपन घरे जा।”

सहजिल का बा, यी कुँज रोग लागल मनैयाहे असिन कना, तोरिक पाप माफ होगिल,” या असिन कना, “उठ्जा, अपन दरी उठा और नेगे लाग?

उ कुँज रोग लागल मनैया जुरतेहेँ ठरह्यागिल। अपन दरी उठालेहल, और वहाँसे सक्कुहुनके आघेसे बाहेर चलगिल। उहिहे देख्के सक्कु जहनहे अचम्म लग्लिन, और ओइने सक्कु जाने परमेश्वरके महिमा करलाँ और कलाँ, “हम्रे कबु फेन यिहिसे आघे असिन नै देख्ली।”