Popular Bible Verses from याकूब 4

Share

तबेकमारे अपनहे परमेश्वरके अधिनमे धारो। और उ सक्कु काम करनासे अस्वीकार करदेऊ, जोन काम शैतान चाहत कि तुहुरे करो। तब ऊ तुहुरिन्के थेनसे भागजाई।

परमेश्वरके लग्गे आऊ, तब ऊ फेन तुहुरिन्के लग्गे अइहीँ। हे पापी मनै, अपन जीवनमेसे पापहे दूर कराऊ। हे मन बदल्ती रना मनै! तुहुरे अपन मन शुद्ध बनाऊ।

प्रभुक आघे नम्र बनो, तब ऊ तुहुरिन्के आदर करहीँ।

पर परमेश्वर ते हम्रिहिन्हे असिन खराब इच्छक विरोधमे लरक लग आकुर धेउर अनुग्रह देथाँ। तबेकमारे पवित्र शास्त्रमे असिके लिखल बा, “परमेश्वर घमण्डी मनैनके विरोध करथाँ, पर नम्र मनैनहे ऊ अनुग्रह करथाँ।”

तबेकमारे जे भलाई करे जानके फेन नै करत, कलेसे ऊ पाप करत।

तुहुरे मंग्थो तभुन फेन तुहुरे नै भेटैथो। काकरेकी तुहुरे खराब इच्छासे मंग्थो ताकि तुहुरे अपन स्वार्थसे भरल अभिलाषाहे पूरा करे सेको।

हे विश्वासघाती मनै, का तुहुरे नै जन्थो, कि यी संसारहे संघरिया बनैना परमेश्वरसे दुश्मनी करना हो? तबेकमारे जे संसारके संघरिया बने चाहत, ऊ अपनेहे परमेश्वरके दुश्मन बनाइत।

पर तुहुरे यी नै जन्थो कि काल का हुई। और सुनो, तुहुरिन्के जीवन का हो? तुहुरे ते कुहिरा हस हुइतो, जोन थोरिक बेरसम देखाइत और हेराजाइत।