Popular Bible Verses from गलाती 3

Share

पर ख्रीष्ट हम्रिहिन्हे उ श्रापसे बँचैले बताँ, जोन श्राप मोशक नियम कानुनमेसे आइत। जब क्रूसमे येशू मुलाँ, तब ऊ हमार पापके कारण श्रापहे अपन उप्पर लैलेलाँ। काकरेकी पवित्र शास्त्रमे असिके लिखल बा, “जे क्रूसमे मुअत, ऊ श्रापित हो।”

ख्रीष्ट येशूमे एकथो यहूदी या गैर-यहूदी, या नोकर या स्वतन्त्र मनैयकमे कौनो फरक नै हो। यम्ने फेन कौनो फरक नै हो, चाहे तुहुरे थारु मनै हुइतो या जन्नी मनै। हम्रे सक्कु जाने येशू ख्रीष्टमे बराबर बती।

और काकरेकी तुहुरे ख्रीष्टके संग एकजुट होगिल बतो, कलेसे आब तुहुरे अब्राहामके परिवारके एकथो सदस्य हुइतो। और तुहुरे परमेश्वरके कर्लक वाचक आशिषमे हकदार बनगिल बतो।

ख्रीष्ट असिके यहे कारणसे करलाँ, ताकि गैर-यहूदिनहे वहे आशिष मिले सेकिन, जोन आशिष परमेश्वर अब्राहामहे येशू ख्रीष्टमे विश्वास करके देना वाचा करलाँ। हम्रे विश्वास कर्लक कारण परमेश्वरके देना वाचा कर्लक पवित्र आत्मा हम्रे भेटाई सेकी कहिके ऊ असिक करलाँ।

पर यी बात फरछ्वार बा कि मोशक नियम कानुन पालन करके केऊ फेन परमेश्वरके आघे धर्मी ठहरे नै सेकत। काकरेकी पवित्र शास्त्रमे असिके लिखल बा, कि “जे परमेश्वरकेमे भरोसा करी उहिहे परमेश्वर धर्मी ठहरैहीँ। और ऊ सदाकालके लग जीवन भेटाई।”