और जाँर-दारु पिके मदुवा ना बनो, काकरेकी यी चिज मनैनहे असभ्य और अनियंत्रित तरिकासे व्यवहार करैना कारण बनजाइत। बेन, पवित्र आत्माहे अपनहे नियन्त्रण करे देऊ। जब तुहुरे पवित्र आत्मक अधिनमे रबो कलेसे तुहुरे असिके कर्बो: जब तुहुरे एक्के थेन जमा हुइबो, तब तुहुरे भजन और पवित्र आत्मक देलक गीत गैबो। और अपन-अपन मनमे प्रभुक आघे गीत गैती स्तुति कर्बो। और जोन कुछ हमार प्रभु येशू ख्रीष्ट कर्ले बताँ, ओकर कारण जबफेन हमार परमेश्वर बाबाहे हर बातके लग धन्यवाद देऊ।