Popular Bible Verses from २ कोरिन्थी 1

Share

हमार प्रभु येशू ख्रीष्टके बाबा अर्थात परमेश्वरहे प्रशंसा होए, जे दयाके बाबा हुइँत, और हम्रिहिन्हे सदादिन सान्त्वना देहुइया परमेश्वर हुइँत। परमेश्वर हमार सक्कु मेरके दुःखमे सान्त्वना देथाँ, ताकि हम्रे दोसुर जहनहे सान्त्वना देहे सेकी। परमेश्वर हम्रिहिन्हे सान्त्वना देहल हस हम्रे दोसुर जहनहे सान्त्वना देहे सेक्थी।

काकरेकी जसिके ख्रीष्ट डरलग्तिक दुःख भोग्लाँ, ओस्तेहेँके हम्रे फेन उ दुःखमे शामिल हुइथी। ओस्तेहेँके ख्रीष्टके ओहोँरसे सान्त्वनामे फेन प्रशस्त मात्रामे हम्रे शामिल हुइथी।

हम्रे मुहीँ लागल बती कना हस हम्रिहिन्हे लागतेहे। हम्रे अपन उप्पर नै हो, पर मुअल मनैनहे जित्ती करुइया परमेश्वरकेमे हम्रे भर परे सेकी कहिके असिके हुइल रहे।

परमेश्वरे हम्रिहिन्हे तुहुरिन्के संग ख्रीष्टमे बल्गर बनैले बताँ, और हम्रिहिन्हे चुनल बताँ। और हम्रे हुँकार हुइती कना देखाइक लग ऊ हमारमे अपन छाप फेन लगैले बताँ। और हमार मनमे पहुँरक रुपमे पवित्र आत्माहे देले बताँ।

हम्रे दु:ख भेटैथी कलेसे यी तुहुरिन्के सान्त्वना और मुक्तिक लग हो। यदि हम्रे सान्त्वना भेटैली कलेसे फेन उ तुहुरिन्के सान्त्वनक लग हो। जब तुहुरे बिरकुल हमारे हस दुःख भोग्थो, तब तुहुरे सँस्सा करके उ दुखहे सहे सेक्थो।