Popular Bible Verses from १ यूहन्ना 3

Share

हे प्रिय लरको, हम्रे एकदोसर जहनहे प्रेम कर्थी कहिके बात किल नै बत्वाई। पर अपन कामसे और सच्चाइसे फेन प्रेम करी।

यम्नेहेँसे प्रेम का हो कहिके हम्रे जन्ली, कि येशू ख्रीष्ट हमार लग अपन ज्यान दैदेलाँ। तबेकमारे हम्रे फेन अपन दादू-भैयनके लग अपन ज्यान देहे परत।

विचार करो, कि परमेश्वर बाबा हम्रिहिन्हे कसिन प्रेम करल बा, कि हम्रे परमेश्वर बाबक लरका कहाजाई, और जात्तिकमे हम्रे ओकर लरका हुइती। पर जोन मनै यी संसारसे सम्बन्ध धरथाँ, ओइने यी नै जन्थाँ कि हम्रे परमेश्वरके लरका हुइती। काकरेकी ओइने परमेश्वर बाबाहे नै चिहिन्थाँ।

जे पाप कर्तिरहत, उ शैतानके ओहोँरसे हो। काकरेकी शैतान ते सुरुएसे पाप कर्ती आइल बा। शैतानके कामहे नाश पारक लग परमेश्वरके छावा प्रकट हुइलाँ।

जे परमेश्वरके लरका हो ऊ पाप कर्ती नै रहत; काकरेकी परमेश्वरके स्वभाव ओकरमे रथिस। और ऊ पाप कर्ती नै रहत, काकरेकी ऊ परमेश्वरके लरका हो।

पर जेकर थेन संसारके धन-सम्पति बा, तभुन फेन अपन दादू-भैयनहे जरुरीमे परल देख्के ओइन्केमे ऊ नै सोगाइत कलेसे ओकरमे परमेश्वरके प्रेम रहे नै सेकी।

और जे परमेश्वरके आज्ञा पालन करत, ऊ परमेश्वरके संग और परमेश्वर ओकर संग एकतामे रथाँ। और वहे पवित्र आत्मा जोन ऊ हम्रिहिन्हे देले बताँ, उहिएसे हम्रे जन्थी कि परमेश्वर हमार संग एकतामे पलिरथाँ।

परमेश्वरके लरका के हो और शैतानके लरका के हो कहिके यिहिएसे पता चलत। उ मनै जेने धार्मिक काम करथाँ, ओइने परमेश्वरके ओहोँरसे हुइँत। और जेने अपन भैयनहे प्रेम करथाँ, ओइने परमेश्वरके ओहोँरसे हुइँत।

जोन सन्देश तुहुरे सुरुएसे सुन्लो, उ सन्देश यहे हो कि हम्रे एकदोसुर जहनहे प्रेम करी।

हे भैयो, यदि संसारके मनै तुहुरिन्हे घृणा करहीँ कलेसे तुहुरे अचम्म ना मानो।