Popular Bible Verses from रोमियों 14

Share

किबेकि परमेश्वरा रअ राज्य खाणा-पीणा नांई पर धार्मिकता होर मिलाप होर आनन्द साहा। जोह पवित्र आत्मा का हुंदा। जोह कुण एउ साबे मसीहा री सेवा करदा, सह परमेश्वरा भाउंदा होर मणशा में ग्रहण लायक हुंदा।

किबेकि अगर हामें जिऊंदे साहा, कि हामे प्रभु री तणी जीउनदे साहा; अगर हामे मुए भी तेबा हामे परमेश्वर री तणी मुए तेबा हामें जिये या मरे हामें परमेश्वरा रे ही साहा।

तेबा हामे त्याह गला करने री कोशिश करा, जासु का मल मिलाप होर एकी दूजे रा सुधार होई सका।

तेबा हामें होरी वै दोष नांई लाये, पर तमे आपणे मना में ठाना की आपणे भाई रे सामने ठोकर खाणे री कारण नांई बणा।

किबेकि लिखूदा साहा, प्रभु बोल्दा मेरी जिंदगी री कसम साहा, की सब मणशा महा सेटा झुकणे होर सभी परमेश्वर रा ना लउंणा। हामे सभी परमेश्वर सेटा आपणा-आपणा हिसाब दीणा।

पर जोह बुशाह में कमज़ोर साहा, तेऊ मणशा आपणी संगती में आणा, पर तेऊरे बेहमा पेन्दे दोष बिवाद करने वै नांई।

तूह कुण साहा जोह दूजे नोकरा पेन्दे दोष लाउनदा? तेऊरे पाके रहणा या पड़णा तेऊरे मालका रे हाथे साहा पर तेऊ सह पाकअ ही करणा किबेकि परमेश्वर तेऊ सह पाके बणाई सका।