Popular Bible Verses from रोमियों 12

Share

एउ संसारा रे सदृश नांई बणे; पर थारे मना रे नउये हुणे का थारा चाल-चलन भी बदलू लोड़ी थी जासु का तमे परमेश्वर री भली होर भाऊण आली होर सिद्ध इच्छा का मालूम करदे रहे।

तेबा हे भाईयो, हाऊं तमावै परमेश्वरा री दया दिलाई करी करे तमा का बिनती करा, कि शरीरा वै जिऊंदे, होर पवित्र, होर जोह परमेश्वरा भाए तेता बलिदान चड़ाए, यह थारी आत्मिक सेवा साहा।

आशा रे बारे में, खुश रहे, दुखा में धर्य डाहे, प्रार्थना रे बारे में पाके रहे।

बुराई का नांई हारे, पर भलाई करी करे बुराई जीता।

भाईचारे रे प्रेमा में एकी दूजे का प्रेम डाह, एकी दूजे रा आदर करी करे ठीक रहा।

प्रेम निष्कपट हो; बुराई का रोष डाह; भलाई में लागी रहा।

जखे तणी होई सके सभी मणशा संघे रामबडे रहे।

हे प्रिय, कासु संघे बदला नांई लये पर परमेश्वरा वै मोका दे, किबेकि लिखुदा साहा, न्याय करना मेरा काम साहा, परमेश्वर बोला हाऊं ही बदला लउंदा।

मेहनत करने में आलसी नांई होए, आत्मा में उत्साहा में बनी रहे परमेश्वरा री सेवा करदे रहे।

किबेकि हाऊं तेऊ अनुग्रहा रे कारण जोह महा भेट्टा, तमा हर एकी वै हाऊं तमावै बोला कि जेहड़ा समझू लोड़ी तेता का बड़ी करे आपणे आपा वै नांई समझे; पर जेहड़ा परमेश्वरा रे साबे एकी रे बुशाह परिणामा रे साबे बढू दा साहा, तेहडा ही रामड़ी बुद्धि संघे आपणे आपा वै एकमन समझे।

बुराई रे बदले कासु का बुराई नांई करे; जोह गल्ला सबही में भली साहा त्याह गल्ला री फ़िक्र करे।

आपु में एकमन डाहे घमण्ड नांई करे पर दिना संघे संगति करे; आपणे आपा वै बुद्धिमान नांई बणे।

पर अगर तेरे बईरी भोछे साहा तेऊवै खाणे बे दे अगर शोखअ साहा तेऊवै पांणी दे, किवैकी एडा करने का तुह तेऊरे मुंडा पेन्दे आगी रा ढेर लाऊंदा।

आपणे सताउण आले वै आशीष दे, आशीष दे श्राप नांई दे। खुशी मनाऊण आले संघे खुशी मनाए , होर लेरणा आले संघे लेरे

पवित्र लोका वै जोह जरूरत साहा त्याह में त्याह री सहायता करने में सहभागी होए होर पराऊणे री सेवा करे ।

किबेकि जेहड़े हमारे शरीरा में बहु अंग साहा, होर सभी अंगा रा एक काम नांई साहा। तेहड़ा हामें जोह बहु साहा मसीहा में एक देह होई करे आपु में एकी दूजे रे अंग साहा।