Popular Bible Verses from 1 कुरिन्थियों 3

Share

तमे नांई जांणदे कि तमे परमेश्वरा रे देहुरे साहा होर परमेश्वरा री आत्मा तमामें रहंदा।

किबेकि जोह पहिले री मनियाद साहा तेता छाडी सह यीशु मसीह साहा तेता पेन्दे कोई दूजअ नीव नांई पाई सकदअ।

तेबा ना लाऊण आलअ होर ना पांणी दीणा आल़अ बडअ साहा, पर परमेश्वर ही साहा जोह बढ़ाउण आल़अ साहा।

किबेकि हामे परमेश्वरा रे सहकर्मी साहा होर तमे परमेश्वर रे खेच होर तमे परमेश्वरा री कोठी भी साहा।

तेबा सभी रे काम प्रकट हुणे किबेकी तेसा धिहाड़ी तेऊबे खोजणा तेबा की जेबरे आगि संघे प्रकट हुणे होर तेसा आगि सभी रे काम परेखणे कि कैहड़ा साहा।

लाउण होर पांणी दिणा आले दूहे एक साहा, पर सभी मणश आपणी महनता रे सावै आपणी मजदूरी पाऊणी।

कोहे भी आपणे आपा वै धोखा नांई खाये, अगर तमामें कोई एऊ संसारा में आपणे आपा वै ज्ञानी समझे सह मुर्ख बणे कि ज्ञानी होई सके।