Popular Bible Verses from પ્રકટીકરણ 14

Share

ફાચે માને હોરગામેને ઇ આખતા ઉનાયો, “ઈયુ ગોઠીહીને લેખી લેઅ, તે લોક ધન્ય હાય જે પ્રભુપે વિશ્વાસ કેતા જાયને મોય જાતાહા.” તાંહા પવિત્રઆત્માકી સહમત વીને આખ્યો, “ઇ હાચો હાય, તે ધન્ય હાય કાહાકા તીયા કઠીન મેહનતુકી તીયાહાને આરામ મીલી, આને તીયાહા જો કામ કેયો, તીયા ફલ તીયાહાને મીલી.”

પરમેહેરુહુ લોકુહુને ધીરજ ઇયામુજ હાય, કા તે પરમેહેરુ આજ્ઞા પાલન કેતાહા, આને ઇસુ ખ્રિસ્તુપે વિશ્વાસ રાખતાહા.

તીયા જોરપા બોમબ્લીને આખ્યો, “પરમેહેરુ બીખ રાખા, આને તીયા મહિમા કેરા, કાહાકા આમી તીયા મારફતે લોકુ ન્યાય કેરુલો સમય પાહી આલોહો, આને તીયા આરાધના કેરા, કાહાકા તીયાહાજ હોરગો, તોરતી, સમુદ્ર, આને પાંયુ દરેક ઝરા બોનાવ્યાહા.”

ઈયા બાદ ફાચે તીજો હોરગા દુત જોરપા બોમબ્લીને ઇ આખતો આલો, “જો કેડો ઈયા જાનવરુ આને ઈયા જાનવરુ મુર્તિ આરાધના કે, આને પોતા મુનકાપે કા આથુમે તીયા નામુ મોહર લાગવુતેહે, તાંહા તીયાલે પરમેહેરુહુ ક્રોધુકી દારાક્ષારસ પાજ્યો, જો વગર મીલાવટુ પરમેહેરુ ક્રોધુ પિયાલામે ટાકલો આને તીયાલે પરમેહેરુ હોરગા પવિત્ર દુતુ આને ઘેટા હુંબુર આગ આને ગંધકુ પીડા આપવામે આવી. આને આગીમેને નિંગનારો તુવારો જો દુઃખ આપેહે, તોઅ યુગા-યુગ નિંગતો રેઅ, આને જો તીયા જાનવરુ આને તીયુ મુર્તિ આરાધના કેહે, આને તીયા નામુ મોહર લાગવેહે, તીયાહાને રાત-દિહ શાંતિ નાય મિલે.”

તીયા બાદ ઇ હેયો કા, સિયોન ડોગુપે ઘેટાલે ઉબલો હેયો, આને તીયા આરી એક લાખ ચુમ્માલીસ હજાર લોક આથા, ઈયા મુનકાપે ઘેટા આને તીયા બાહકા નામ લેખલો આથો.

ફાચે માયુહુ એકબીજા હોરગા દુતુલે આકાશુમે ઉડતા હેયો, જીયાપે તોરતીપે રેનારા દરેક જાતિ લોક, આને દરેક કુટુંબા, આને દરેક ભાષા ગોગનારા લોકુહુને ઉનાવા ખાતુરે કીદીહીજ નાય બોદલાનારી હારી સુવાર્તા આથી.

તીયા બાદ એક બીજો હોરગા દુત ઇ આખતો આલો, “નાશ વી ગીયો તોઅ મોડો બેબિલોન શેહેર નાશ વી ગીયો, કાહાકા બેબિલોન શહેરુ લોક વ્યેભિચાર કીને બાદા જગતુ લોકુહુને વ્યેભિચારુ હોરો પાજ્યોહો. આને ઈયા કારણુકી પરમેહેરુહુ તીયા બાદાહાને દંડ આપ્યોહો.”