Popular Bible Verses from યાકુબુ પત્રો 4

Share

ઈયા ખાતુરે પરમેહેર બી આધિન વી જાઅ આને તોઅ કેરા માટે ઇનકાર કી ધ્યા જો શૈતાન ઈચ્છા રાખેહે કા તુમુહુ કેરા, તા તોઅ તુમા પાહીને નાહી જાય.

પરમેહેરુ પાહી આવા તા તોઅ બી તુમા પાહી આવી, ઓ પાપીહી, પોતા જીવનુમેને દરેક પાપુલે દુર કેરા, આને ઓ બેન મનુ વાલા લોકુહુ, પોતા રદયુલે પવિત્ર કેરા.

પ્રભુ હુંબુર નમ્ર બોનાવા તોઅ તુમનેહે ઉચ્ચે ઉઠાવી.

પેન તે કૃપા જે પરમેહેર દેહે, ખુબુજ તાકતવર હાય, ઈયા કારણુકી પવિત્રશાસ્ત્રમે ઇ લેખલો હાય, “પરમેહેર ઘમંડી લોકુ વિરુધ કેહે, પેન નમ્ર લોકુપે કૃપા કેહે.”

ઈયા ખાતુરે જો કેડો ભલાય કેરા જાહે આને નાહ કેતો, તીયા માટે ઓ પાપ હાય.

તુમુહુ માગતાહા તેબી તુમનેહે નાહ મીલતો કાહાકા કા તુમુહુ ખારાબ ઈચ્છાકી માગતાહા, કા પોતા મોજ-મોજામે ઉડવી ટાકા માગતાહા ઓ વ્યેભીચારીહી, કાય તુમુહુ ઇ નાહ જાંતા કા જગતુ વસ્તુકી દોસ્તી કેરુલો મતલબ હાય પરમેહેરુ આરી દુશ્મની રાખુલો?

ઈયા ખાતુરે જો જગતુ દોસ્દાર વેરા માગેહે, તોઅ પોતાલે પરમેહેરુહુ દુશ્મન બોનાવેહે.

પેન તુમુહુ ઇ નાહ જાંતા કા હાકાલ કાય વેરી તુમા જીવન તા તુવારા હોચે હાય જો થોડીક વા દેખાહે આને ફાચે જાતો રેહે.