Idjia Ãcõrẽa nãwã jarasia:
–Mʌ̃ Boro Ãcõrẽ, wad̶ibid̶a mʌ̃ druad̶e b̶asid̶e ¿mʌ̃a jaraẽ́ basica ara maʌ̃ quĩrãca mãwãida? Maʌ̃ carea mʌ̃ra Tarsi druad̶aa mĩrũ wã quĩrĩãsia. Mʌ̃a bio cawa b̶ʌa bʌ biad̶eba ẽberãrãra carebabarida. Bʌra quĩrã djuburiaid̶a b̶ʌa. Isabe quĩrũcaa. Bʌ quĩrĩãra bio waib̶ʌa b̶ʌ bẽrã ẽberãrãba cadjiruada idu b̶ʌsid̶ara bʌa ãdjirãa cawa oi jarad̶ara quĩrãdoabaria.