Popular Bible Verses from Yohanna 14

Share

Tongkakhamm a bii w'u ih yet kihshag kihh wunn; ih pihh Tongkakhamm keena wunn. Baah tongkakhamm keena ni a kaa tongkakhamm w'u yill ni kihh pihh se mou. Tapp phitukhup w'u wad, kooh kihkhirmuut yak wunn mou.

Jesu pring nyi le, “A a'n a arr, a a'n a zeenn, a a'n a seen. Baah m'ee gurum kihh mak ji kihpee Daa diy mou, seeh y'aa arr a kihpee na diy.

“Tapp phitukhup wu wad mou. Wu pihhzeenn Naan yakhal wu pihhzeenn wu'an zag.

Dhangg Gu'Tenkihr, w'u a Riin Wu'bhangg w'u Daa p'ee lop nyi dhighin shumm nah, p'ee kamm bii mwopp weett wunn, yakhal kakkder w'u kihh koohmeeh w'u ih cham kamm wunn.

Kapp gwooh lapp pwoo keena yakhal kihh kyeer, bhi a nyi a gwooh kihh wall a'n. Gwooh kihh wall a'n bhi Daa p'ee wall nyi, yakhal wu'an zag p'ee wall gwoh ni; bhi a'n p'ee dyingg san gwoh ni.”

a kihhsheh bhi a'n p'ee dhang phi Daa, bhi nyi p'ee pihh m'ee Gu'Tenkihr dyi wunn, tihh tong diy kihshag kihh wunn harr ngaa-ngaa. Nyi a Riin mhi Zeenn. Baah yill ni p'ee mak lapp nyi mou, p'ee baah kihh mak naah Riin ni kooh mak man nyi mou. Dhangg wu'wunn wu man nyi, p'ee nyi naar wu, yakhal nyi p'ee tong dhighin phitukhup wu.

Koohmeeh w'u mihh wu dhang dhighin shumm nah, bhi a'n p'ee sh'in nyi wunn, tihh Daa kad lappdhess diy lhiwaa a'n. Koohmeeh w'u mihh w'u dhang dhighin shumm nah, bhi a'n p'ee sh'in nyi.”

“Mihh wu kihh wall a'n, bhi wunn p'ee kyeer pwoo keena

Tihngg tuluh khi Daa, bhi luh'tong mwopp nhighin dhess. Kaddyinn nyi a kihhsheh mou, bhi dyinn a'n p'ee satt nyi wunn. Mwasseh ih kihh dum nhighin p'ee dhakk pee wunn.

Bwoonrooh ih dum ih dhakk pee wunn, bhi a'n p'ee b'aa ji p'ee lapp wunn lhidum kihpee na diy, tihh pee w'u wu'an diy, bhi wu'wunn p'ee tong a nhighin zag.

Tomas satt nyi le, “Gwoohyon, baah mu man pee w'u ghi kihh dum diy mou, dhangg sh'in a rangg bhi mu man arr ni ayeh?”