Popular Bible Verses from มัดทิว 2

Share

บัด​อะไล​ปัอะ​ตัอะ​ดง​บอน​นาก็​อัน​อัอด ‍ เจอ​ก็​โฮม​ละแนน​เกยะ​อะกี​อัอด​กับ​มารี​อัมเปะ​คอง​อัน ‍ อะไล​ก็​นบ​อะแซง​จน​จุ​กะแตะ ‍ เพือ​ซี​ซันเซิน​ออ์น​เกียด​อัน ‍ เจอ​อะไล​ก็​เอด​คองควัน​เนว​นาก็​ปัน​ละกีา​เปง​อะเลอ ‍ อะตัอะ​มูอบ​ออ์น​อัน ‍ เนว​นาก็​อะไล​เอด​อะตัอะ​อะกี​ก็​เบิน​ทองคำ​นืยะ ‍ เจอ​ก็​เบิน​เซียด​อะลูอง​นาก็​พวม​นาก็​เปง​บาล​เนว ‍ กือ​กำยาน​กับ​มดยอบ

พะเยซู​กัอด​อัอด​นึง​วีล​เบดเลเฮม ‍ นาก็​อัอด​นึง​เคด​ยูเดีย ‍ นึง​ซวง​นาก็​พะเยซู​กัอด​อะไน ‍ เฮโรด​ปัน​กะซัด​คอง​อะไล​ตี​กี ‍ เจอ​ฮาไน​ก็​เบิน​กวย​มู​จุม​นาก็​ตัอะ​ตี​ยาฮ​มะนาง​ลอฮ ‍ ตัอะ​จอ์ะ​กรุง​เยรูซาเล็ม ‍ กวย​จุม​ไน​อะไล​ซังเกด​อะเฮะ​มะลัง​อะเฮะ​มันตอ์ล ‍ อะไล​เลิด​ด็าง​เนว​ซำคัน​นาก็​กัอด​อะซอฮ ‍  ตัอะ​จอ์ะ​กรุง​เยรูซาเล็ม​เจอ ‍ อะไล​ก็​อะบลัฮ​กวย​นาก็​อัอด​ตี​กี​ปาย ‍ "ปะลาะ​ละแนน​นาก็​กัอด​ตัอะ ‍ เพือ​ซี​ปัน​กะซัด​คอง​กวย​อิซราเอล​อะกี? ‍ มะเฮะ​ด็าง​เจอ​ปาย​อัน​กัอด ‍ พอะ​มันตอ์ล​นาก็​ปัน​เครืองมาย​คอง​อัน​อะกี ‍ มะเฮะ​ก็​โฮม​เจอ ‍ เจอ​จะนูอ​มะเฮะ​ตัอะ​ก็​เพือ​ซี​นบ​เพือ​ซี​ทือ​อัน" ‍

อะไล​รูอะ​นึง​มิด​อะเลอ ‍ โฮม​ปาย​มันตอ์ล​ยุด​อัอด​ตี​กี ‍

เจอ​ซะเดา​กี​จุม​นาก็​ซังเกด​มะลัง​อะไน ‍ อะไล​บายะ​เจอ​ก็​อัมปาว ‍ พูซาง​อะตัอง​ตัอ​ออ์น​อะไล​ลับ​ปัอะ​จอ์ะ​กะซัด​เฮโรด​นัง ‍ อะไล​เลิด​จู​อะนา​กะนอฮ​จิ ‍  บัด​จุม​นาก็​ซังเกด​มะลัง​อะกี​ดิ​เจอ ‍ ตอน​ซะเดา​โยเซบ​ก็​บายะ ‍ เจอ​อัน​อัมปาว​โฮม​เทวะดา​คอง​พูซาง​พู​ปัน​นีาย​ตัอะ​เวา​นึง​อัน​ปาย ‍ "ออ์น​ไม​ยวล​เดอ ‍ เจอ​ออ์น​ไม​เอด​ละแนน​เกยะ​อะกี​กับ​อัมเปะ​คอง​อัน ‍ ดิ​ปัอะ​อัอด​นึง​ปะเทด​อียิบ​วาย ‍ ออ์น​อัมไป​อัอด​ตี​กี​จน​เตา​กึ​ซี​อะตัอง​ออ์น​อัมไป​ลับ​ตัอะ​แอน​เดอ ‍ พอะ​จะนูอ​กะซัด​เฮโรด​ซี​ตัอะ​อันจูอยะ​ละแนน​เกยะ​อะไน ‍ เพือ​ซี​ตรายฮ​อัน​จิ" ‍ อังกิ​เทวะดา​เวา​นึง​โยเซบ ‍