Popular Bible Verses from มัดทิว 17

Share

พะเยซู​เลิด​เวา​นึง​อะไล​ปาย ‍ "ปัน​ญูอน​นาก็​อัมไป​ตัอ​เจือ​อะกี​ออยะ ‍ อัมไป​จัง​ปูย​ยีาง​อะกี​ตัอ​ลอฮ ‍ ค็าน​อัมไป​เจือ​ลึ​อะเลอ ‍ แม​แต​อัมไป​ซี​เจือ​มะนอยะ​ซำ​กลอง​บ็าด​ซัง ‍ ฮัก​ค็าน​อัมไป​เจือ ‍ อัมไป​ซี​ปัน​เวา​กับ​กอ์ฮ​ญิ​ทัง​นวย​อะไน​ปาย ‍ 'ออ์น​ไม​ญีาย​ปัอะ​อัอด​บอน​กะนอฮ​เดอ' ‍ เจอ​กอ์ฮ​อะไน​ก็​ซี​ญีาย​ปัอะ​ลึ ‍ ค็าน​อัมไป​เจือ​ลึ​อะเลอ ‍ ตัอ​เบิน​อันเตริว​ไง​นาก็​อัมไป​ซี​ตัอ​ปัน​ตาะ" ‍ อังกิ​พะเยซู​เวา​นึง​จุม​ลูกซิด ‍

เปโตร​เวา​นัง​ตัอ​ไจ​ซด ‍ เจอ​พะดี​เบิน​เมก​นาก็​ละลีาง​แซง​ตัอะ​จน​ตะป็าง​ตัอ​โฮม​อะไล​นัง ‍ เจอ​ก็​เบิน​ซะเนียง​ลอฮ​ตี​เมก​อะกี​เวา​ปาย ‍ "อะไน​ปัน​กอน​คอง​กึ​นาก็​กึ​อะยอ์ะ​อะเลอ ‍ อัน​กลับ​มิด​กึ​อะเลอ ‍ ออ์น​อัมไป​ตะมึง​อัน​เดอ" ‍

พะเยซู​เลิด​เวา​ปาย ‍ "กวย​ลุน​จะนูอ​ตะนาะ​จัง​ตัอ​เจือ​นึง​พูซาง​ซัก​เตือ? ‍ ตะนาะ​อะไล​จัง​กึด​ตัอ​กลับ​ตาะ​ตัอ​กลับ​อัอด​ตัอ​แปะ? ‍ กึ​ซี​ตอง​อัอด​กับ​อัมไป​ดูน​ซำ​ลาะ​แอน ‍ อัมไป​จัง​ซี​เจือ​นึง​กึ? ‍ ซี​ออ์น​กึ​อด​กับ​อัมไป​ดูน​ซำ​ลาะ? ‍ ปะลาะ ‍ เอด​กอน​ปะลูอะ​ไม​อะตัอะ​จอ์ะ​ไน" ‍  บัด​อัน​อะตัอะ​เจอ ‍ พะเยซู​ก็​ซ็าง​เบรา​ยีาง​นาก็​มูด​อัอด​นึง​อะจวยฮ​เกยะ​อะกี​ออ์น​ลอฮ ‍ ยีาง​เลิด​ลอฮ​ลึ ‍ เจอ​อะจวยฮ​เกยะ​อะกี​ก็​แบ็น​ตับ ‍