Popular Bible Verses from กิดจะกาน 9

Share

ฮัก​พะเยซู​ก็​นัง​เวา​ปาย ‍ "ปัอะ​โลด ‍ กึ​เรือฮ​เอด​อัน​เจอ ‍ เพือ​ซี​ออ์น​อัน​ปัอะ​เวา​เรือง​คอง​กึ ‍ กึ​ซี​ออ์น​อัน​ปัอะ​เวา​เรือง​คอง​กึ​กับ​กวย​นาก็​ตัอ​มีน​กวย​อิซราเอล ‍ ทัง​กวย​นาก็​ปัน​ตะนายฮ​กะซัด ‍ กับ​ทัง​กวย​อิซราเอล​นืยะ ‍

เจอ​เซาโล​ก็​ดม​อะแซง​จอ์ะ​กะแตะ ‍ เจอ​ก็​ซัง​ซะเนียง​อะโร​ปาย ‍ "เซาโล​เอย ‍ เซาโล ‍ ตะนาะ​ไม​จัง​ตาะ​กับ​กึ​อะเลอ?" ซัง​อังกิ​เซาโล​เลิด​เวา​ปาย ‍ "นีาย​เอย ‍ ไม​ปัน​นีาว?" เจอ​ก็​เบิน​ซะเนียง​ตอบ​ปาย ‍ "กึ​ปัน​พะเยซู ‍ พู​นาก็​ไม​ตาะ​จอ์ะ​อะกี​ออยะ ‍

ซัง​พะเยซู​เวา​อังกิ​เจอ ‍ อานาเนีย​เลิด​ปัอะ​จอ์ะ​ดง​คอง​ยูดาด ‍ กือ​นาก็​พะเยซู​อะตัอง ‍ เจอ​อัน​ก็​เอด​อะเต​อะจุฮ​จอ์ะ​เซาโล ‍ เจอ​ก็​เวา​ปาย ‍ "อาย​เซาโล​เอย ‍ พะเยซู​พู​ปัน​นีาย ‍ พู​นาก็​ตัอะ​อะปลาฮ​ตอ์​ออ์น​ไม​โฮม​นึง​อะนา​อะกี ‍ อัน​ออ์น​อังกอะ​ตัอะ​จอ์ะ​ไม ‍ เพือ​ซี​ออ์น​ไม​ปรีาง​โฮม​แอน ‍ เจอ​เพือ​วินญาน​บอ์ริซุด​ซี​คอบครอง​มิด​คอง​ไม" ‍  เวา​อังกิ​เจอ​ก็​เบิน​กือ​แก็ด​เซียะ ‍ นาก็​อันตรุฮ​ลอฮ​ตี​กลอง​มัด​คอง​เซาโล​อะกี ‍ เจอ​อัน​ก็​ปรีาง​โฮม​ตับ ‍ อัน​เลิด​ยวล​ปัอะ​ตาะ​พิที​ดุบ​ดัอะ ‍