Popular Bible Verses from Matta 7

Share

– Sorańlar, sizlerge beriledi. Izleńler, tabasızlar. Esikti qaǵıńlar, ol sizlerge ashıladı.

Óytkeni soraǵan hár bir adam aladı, izlegen tabadı, esik qaqqanǵa ashıladı.

– Solay etip, Meniń usı sózlerimdi tıńlap, olardı orınlawshılardıń hár biri óz úyin jartas ústine salǵan aqıllı adamǵa uqsaydı.

Solay etip, hámme iste adamlardıń ózlerińizge ne islewin qáleseńler, sizler de olarǵa sonı isleńler. Muxaddes Nızamnıń da, payǵambarlardıń Jazıwlarınıń da mánisi usı.

Al ómirge aparatuǵın qapı tar, jol da ensiz, onı tabatuǵınlar az.

– Tar qapıdan kirińler. Óytkeni nabıt bolıwǵa aparatuǵın qapı keń, jol da enli, onıń menen júretuǵınlar kóp.

Ózlerińiz jaman bola tura, balalarıńızǵa jaqsı sıylar beriwdi bilseńiz, onda aspandaǵı Ákeńiz Ózinen soraǵanlarǵa qanshelli kóp iygilikler beredi!

– Basqalardı húkim etpeńler, sonda sizler de húkim etilmeysiz. Óytkeni sizler basqalardı qanday húkim etseńler, ózlerińiz de sonday húkim etilesizler. Qanday ólshem menen ólshep berseńler, ózlerińizge de sonday ólshem menen ólshep beriledi.

Al Meniń usı sózlerimdi tıńlap, olardı orınlamaytuǵınlardıń hár biri óz úyin shege qum ústine salǵan aqılsız adamǵa uqsaydı.

Sen nege tuwısqanıńnıń kózindegi shópti kórip turıp, óz kózińdegi qadanı sezbeyseń? Óz kózińde qada bola tura, qalay: «Qáne, kózińdegi shópti alıp taslayın», – dep tuwısqanıńa aytasań?

– Jalǵan payǵambarlardan saq bolıńlar! Olar qoy terisin jamılıp sizlerge keledi, biraq ishlerinde olar jırtqısh qasqırlar. Sizler olardı miywesinen bilesizler. Sheńgelden júzim yamasa oshaǵannan ánjir jıynay alasız ba?

Hár bir jaqsı terek jaqsı miywe beredi, jaman terek jaman miywe beredi.

Jaqsı terek jaman miywe, jaman terek jaqsı miywe bere almaydı.

Jaqsı miywe bermeytuǵın hár bir terek shabılıp, otqa taslanadı.