Popular Bible Verses from Matta 18

Share

Sebebi qay jerde eki yamasa úsh adam Meniń atım menen jıynalsa, Men olar menen birgemen.

Sizlerge jáne shının aytaman: jer betinde sizlerdiń ekewińiz kelisip ne sorasańız, aspandaǵı Ákem sonı beredi.

Iysa bir kishkene balanı shaqırıp alıp, onı olardıń ortasına turǵızıp qoyıp bılay dedi: – Sizlerge shının aytıp turman: kewillerińizdi ózgertip, balalar sıyaqlı bolmasańız, Aspan Patshalıǵına kire almaysız.

Solay etip, kim de kim ózin usı bala sıyaqlı pás tutsa, sol Aspan Patshalıǵında eń ullı boladı.

Al kim de kim mınaday bir balanı Meniń atım ushın qabıl etse, onıń Meni qabıl etkeni boladı.

Sizlerge shının aytıp turman: sizler jer betinde neni baylasańız, sol aspanda da baylanadı, jáne de, sizler jer betinde neni sheshseńiz, sol aspanda da sheshiledi.

Eger sizlerdiń hár birińiz tuwısqanıńızdıń gúnasın shın kewlińizden keshirmeseńler, Meniń aspandaǵı Ákem de sizlerge solay isleydi, – dedi.

Biraq kim de kim Maǵan isenetuǵın mına kishkenelerdiń birewin azǵırsa, onıń moynına úlken digirman tası baylanıp, tereń teńizdiń túbine batırılǵanı oǵan jaqsıraq bolar edi.

– Sizler qalay oylaysızlar? Eger birewdiń júz qoyı bolıp, onıń birewi joytılıp ketse, ol toqsan toǵız qoyın tawda qaldırıp, joytılǵan bir qoyın izlemes pe edi?