Popular Bible Verses from Matta 14

Share

Biraq ol samaldıń kúshli ekenin kórgende qorqıp ketip, suwǵa bata baslaǵanda: – Iyem! Meni qutqar! – dep baqırdı. Iysa dárriw qolın sozıp, onı tartıp aldı da, oǵan: – Háy, isenimi az! Sen nege gúmanlandıń? – dedi.

Biraq ol samaldıń kúshli ekenin kórgende qorqıp ketip, suwǵa bata baslaǵanda: – Iyem! Meni qutqar! – dep baqırdı.

Biraq Iysa olarǵa dárriw: – Jigerlenińler! Bul Men, qorqpańlar, – dedi.

Petr Oǵan juwap berip: – Iyem! Eger bul Sen bolsań, maǵan suwdıń ústi menen Seniń qasıńa júrip barıwdı buyır, – dedi. Iysa: – Kel, – dedi. Petr qayıqtan túsip, Iysaǵa qaray suwdıń ústi menen júrip ketti.

Qayıqtaǵı shákirtleri Iysanıń ayaǵına jıǵılıp: – Sen shınında da, Qudaydıń Ulısań! – desti.

Biraq Iysa: – Olardıń ketiwiniń hájeti joq, olarǵa sizler awqat berińler, – dedi. – Bizlerde tek bes nan menen eki balıq ǵana bar, – dedi olar.

Iysa: – Olardı bul jerge, Maǵan alıp kelińler, – dedi. Sońınan xalıqqa shópli jerge otırıwdı buyırdı da, bes nan menen eki balıqtı alıp, aspanǵa qarap Qudayǵa shúkirlik etti. Nanlardı sındırıp, shákirtlerine berdi, olar xalıqqa úlestirdi.

Hámmesi jep toydı, awısqan bóleklerin jıynap, úlken on eki sebet toltırdı.