Popular Bible Verses from २ थेसलोनिकी 2

Share

कोय कोनो किसिमसे तोरासिके प्रभु आबैके विषयमे धोखा नैदौ। कहिनेकी प्रभु येशू वापस आबैसे पहेला एरंको समय ऐतै जब आदमीसब परमेश्वरके विरुद्धमे हैतै आर दुष्ट आदमी दिखाई पड्तै जकरा परमेश्वर जरुर ही नरकमे नाश कर्तै।

हे विश्वासी भ्या-बहिनसब, एत्ते तोरसिके लिए परमेश्वरके समनामे हमरसिके सभे दिन धन्यवाद देना सही छै। तुहेंसब प्रभुके प्यारा छैं, कहिनेकी परमेश्वर संसारके सृष्टिके शुरुसे ही पवित्र आत्माद्वारा तोरासिके पापसे अलग करिके आर येशू ख्रीष्टके बारेमे सच्चा सन्देशमे विश्वास करैके कारण उद्धारके लिए चुनी लेल्कौ छे।

ऊ परमेश्वर आर दोसर सभे चीजसिके विरोध कर्तै जकरा आदमीसब आराधना करैछै आर ईश्वर कहैछै, आर ऊ दाबी कर्तै कि ऊ सभे चीजसे बेसी महत्वपूर्ण छै। ऊ दुष्ट आदमी परमेश्वरके मन्दिरमे बैठिके सभे आदमीके समनामे अपने आपके परमेश्वर कहतै।

हमेसब आपन प्रभु येशू ख्रीष्ट आर परमेश्वर पितासंगे प्रार्थना करैछियै जे अपनासिके प्रेम कैल्कै आर जे आपन अनुग्रहसे अपनासिके कहियो खतम नैहुएवाला उत्साह आर दृढ आशा देल्कै। हमेसब यी भी प्रार्थना करैछियै कि आपनसिके प्रभु येशू ख्रीष्ट आर परमेश्वर पिता तोरसिके हृदयके साहाससे भरि दौ आर तोरासिके सभे दिन बढियाँ काम करैले आर सच बोलैके लिए मजगुत बनाबौ।

सेल्याके परमेश्वर ओकरासिके धोखा देतै ताकी ऊसब झुट्ठा बात पर विश्वास करै।

ऊ ख्रीष्ट विरोधीसंगे शैतानके शक्ति हैतै आर सभे किसिमके झुट्ठा चमत्कारसब, चिन्हसब आर अदभुत कामसब कर्तै जे आदमीसिके यी सोचैले लगैतै कि यीसब काम परमेश्वर करैछै। ऊ आदमीसब जे निश्चित रुपसे परमेश्वरद्वारा नाश हुऐके लिए तोक्ल छै। ओकरासिके हरेक किसिमके दुष्ट कामसिके द्वारा धोखा देतै, कहिनेकी ऊसब ओकरासिके बचाबेवाला सचके विश्वास करैले अस्वीकार करैछै।

वास्तवमे, दुष्ट आदमीके शक्तिसब आदमीसिके पहलहैसे गुप्त रुपमे परमेश्वरके विधि-विधान अस्वीकार करैले लगाबैछै। मगर जे आदमीके परमेश्वरसे अलग करैले खोजैछै परमेश्वर ओकरा नैहटाबै तक ऊ उटा काम कर्तहैं रहैछै।